د محرم الحرام د میاشتې ۲۵ نیټه د نړۍ د شیعه مسلمانانو د څلورم معصوم امام، حضرت سجاد علیه السلام د شهادت له کلیزې سره برابره ده.
د یو روایت له مخې له ننه ۱۳۴۱ کاله مخکښې د ۹۵ هجري قمري کال د محرم یا امامانو د میاشتې په ۲۵ نیټه د خدای د ګران رسول حضرت محمد مصطفی(ص) له لمسیانو څخه د امام حسین علیه السلام زوی امام علي بن حسین چې د سجاد او زین العابدین لقبونه یې لرل، شهید شو. دغه معصوم امام په ۳۸ هجري قمري کال کښې په مدینه ښار کښې زیږیدلی و.
امام سجاد علیه السلام په کربلا کښې د خپل پلار له ستر غورځنګ او شهادت وروسته د خپل بزرګواره پلار د لارې د دوام او پيغام رسونې دروند مسئولیت به غاړه واخیست او ددغه ستر پاڅون د اهدافو د روښانه کولو په لړ کښې یې خپله دنده ترسره کړه.
د ایران د راډیو او ټیلي ویژن اداره د امام سجاد علیه السلام د شهادت په مناسبت د عصمت او طهارت دکورنۍ ټولو مینه والو ته تسلیت او تعزیت وايي.