دپاکستان د جمعیت علمای اسلام د فضل الرحمان څانګې مشر مولانا فضل الرحمان په افغانستان کښې له خارجي عسکرو سره دطالبانو جنګ جایز وباله .
دپاکستان دغه سیاسي او مذهبي شخصیت چې په طالبانو ډلې کښې نفوذلرونکي او اغیزشیندونکي څیره ګڼل کیږي دافغانستان له ولسمشر محمد اشر ف غني احمد زي سره له کتنې ور وسته له خبریالانو سره په مرکه کښې په افغانستان کښې له خارجي عسکرو سره دطالبانو مبارزه جایزه وبلله اودطالبانو له جنګ څخه یې خپل ملاتړ اعلان کړ .
پاکستان ته د افغانستان د ولسمشر اشرف غني احمد زي په سفر کښې له مولانا فضل الرحمان سره دغني سفر ددې ښودنه کوي چې هغه په افغانستان کښې دجنګ یا صلحې په دوام کښې د جمعیت علمای اسلام دفضل الرحمان څانګې د مشر مولانا فضل الرحمان .رول اغیزشیندونکی ګڼي .
دهمدغه اغیز له کبله دی چې د افغانستان پخواني ولسمشر حامد کرزي دوه (۲) کاله مخکې د مولانا فضل الرحمان په شمول د پاکستان لسو(۱۰) سیاسي او مذهبي مشرانو ته په لیکونو کښې له هغوې وغوښتل په خپل هیواد کښې دصلحې له بهیر سره مرسته وکړي .
دپاکستان لسو (۱۰) سیاسي او مذهبي مشرانو ته د افغانستان دپخواني ولسمشر حامدکرزي د لیکونو دخبر له خپریدا وروسته دغه پوښتنه مطرح شوه چې هغه ولې دپاکستان دحکومت په لوړرتبه چارواکو سربیره ددغه هیواد غیر حکومتي شخصیتونه هم په افغانستان کښې د صلحې له بهیر سره مرستې ته وربللي دي .
د افغانستان دګلبدین حکمتیار او طالبانو په شمول په افغان ډلو کښې د پاکستان د ځینو مطرح څیرو پراخ نفوذ سبب شو چې پخوانی افغان ولسمشر کرزی په افغانستان کې د ملي پخلاینې د پروګرام د کارندوالي دزیاتیدا په لړ کښې په دغه هیواد د واکمن ګوند په لوړرتبه غړیو سربیره په پاکستان کښې نورو اغیزشیندونکو ډلواو شخصیتونو ته هم مخه کړي چې مولانا فضل الرحمان هم پکښې شامل دی .
په داسې شرایطو کښې چې دافغانستان ولسمشر اشرف غني احمد زی هیله لري دمسلم لیګ دنوازشریف په واکمن ګوند او پوځ سربیره دپاکستان دسیاسي او مذهبي ډلو مشران چې په طالبانو ډلې کښې نفوذ لري په افغانستان کښې دصلحې له بهیر سره مرسته وکړي چې د مولانا فضل الرحمان دغه دغور وړ دریځ( چې ویلي وو په افغانستان کښې له خارجي عسکرو سره د طالبانو مبارزه جایزه ده ) کولای شي په دې زمینه کښې ځینې امیدونه په ناهیلۍ بدل کړي .
دپاکستان دمولانا فضل الرحمان دریځ په هغه څه چې دخارجي ځواکونو په وړاندې په افغانستان کښې د طالبانو له جنګ څخه ملاتړ بلل شوی دی په افغانستان کښې دجنګ په دوام کښې اغیزشیندونکی کیدلای شي ځکه هغه چې دپاکستان په مذهبي برخه کښې اغیزشیندونکی دی څرګندونې یې دافغانستان دطالبانو ډلې زیاتو کسانو ته متوجې دي .
دغه احتمال شته چې په راتلونکو ورځو کښې دافغانستان دحکومت چارواکي له طالبانو ډلې او په افغانستان کښې له حکومت سره دطالبانو ډلې له جنګ څخه د پاکستان دجمعیت علمای اسلام ګوند دمشر مولانا فضل الرحمان د اعلان شوي ملاتړ په هکله سخت غبرګون وښيي .
دپاکستان دجمعیت علمای اسلام ګوند دفضل الرحمان څانګې مشر مولانا فضل الرحمان په داسې شرایطو کښې په افغانستان کښې له خارجي ځواکونو سره دطالبانو دجنګ ددوام ملاتړ کړی دی چې پاکستان په خپله د سرزورۍ په دلیل له جدي کړکیچونو سره مخ دی .
له اسلام دین څخه دطالبانو ناسم اخستون او په افغانستان کښې له خارجي عسکرو سره د جنګ موضوع ته د هغوې ایډیالوژیک نظر ته په پام سره داسې ښکاري چې دمولانا فضل الرحمان دریځ چې سر زوری مذهبي مشر پیژندل کیږي په افغانستان کښې تاوتریخوالی زیات کړي .
په افغانستان کښې د جنګ ددوام د جایز والي په باره کښې دمولانا فضل الرحمان له دریځ سره په پرتله کښې دپاکستان دطالبانو ډلې او دحکومت ترمینځ د مینځګړي درول دلوبولو لپاره د مولانا فضل الرحمان کوشش کولای شي د صلحې او جنګ په وړاندې د متعارضو دریځونو په دلیل دیوه مذهبي مشر په توګه دهغه مقام سخت په خطر کښې واچوي .