سپینې ماڼۍ ادعا وکړه امریکا دایران داټومي پروګرام په باره کښې دنرمښت  په وړاندې له داعش ترهګرې ډلې سره دمبارزې لپاره د دواړو هیوادونو د ملګرتیا په باره کښې دایران وړاندیز رد کړی دی .
رویټرز خبري اژانس له واشنګټن څخه راپور ورکړ دامریکا دسپینې ماڼۍ ویندوی جوش ارنیسټ پرون په دې ادعا سره چې دایران چارواکو  دتهران د اټومي پروګرام په باره کښې د نرمښت دښودلو په وړاندې له داعش سره  په مبارزې کښې دامریکا او ایران ترمینځ د ملګرتیا لپاره یو شمیر وړاندیزونه مطرح کړي دي وویل مونږ دغه و ړاندیزونه    نه دي منلي .
دامریکا دغه  ادعا په داسې حال کښې مطرح شوي دي ه چې دایران چارواکو مخکې دداعش پرضد دائتلاف دجوړولو لپاره دامریکا دکوشش په شکمن بللو سره په داډول ائتلافونو کښې له ګډون سره خپل مخالفت اعلان کړی دی .
امریکا په داسې حال کښې له داعش سره دمبارزې ادعا کړي ده چې په  تیرو دریو(۳) کلونو کښې یې  د ځینو عربو او لویدیځو هیوادونو په مرستې سره په ښکاره  په سیمه کښې د النصره جبهې او داعش په شمول دترهګرو ډلو ملاتړ کړی دی .