د غه څرګندونې د ملي آمنیت او بهرنې سیاست په چارو کښې  د پاکستان د لومړې وزیر میا محمد نوازشریف سلاکار وزیر سرتاج عزیز  له ایرنا سره مرکه کښې کړي او ویلي يې دي، د ایران او پاکستان د مشرانو  تر مینځ د آمنیتي او سرحدي ملګرتیاؤ  په هکله خبرې اترې وشوي او په ګډه پوله د غیرقانوني او نامطلوبو تګ راتګونو د څیړلو لپاره د پاکستان او ایران د پوځي عملیاتو د عمومي مدیرانو تر مینځ ځانګړې ټلفونې لیکه پرانیستل شوه .
سرتاج عزیز وویل، تهران او اسلام آباد  په ګډو سرحدي ګمرکونو کښې د اقتصادي فعالیتونو او تجارتې راکړو ورکړو د زیاتیدو لپاره د ګډ سرحدي کمیسون په جوړولو موافقه وکړه .
هغه  وویل له ایران څخه  پاکستان د سولې د ګازې  نل لیکې په اړه د فعالیتونو په دوام هم د دواړو  هیوادونو د چارواکو موافقه وشوه  او هیله من یو  د دې طرحې اړخونه یو ځل بیا وڅیړل شي.
ایران ته د پاکستان د لومړې وزیر په دوه ورځنې سفر کښې چې د تیري دوشنبي په ورځ وشو  د دواړو هیوادونو تر مینځ  په بیلا بیلو زمینوکښې د ملګرتیا ۹ تفاهم لیکونه لاسلیک کړاي شول.
نوازشریف تهران ته په سفر کښې د اسلامي انقلاب له ستر لارښود،  ولسمشر  او نورو ایرانیو چارواکو سره وکتل .