د تهران د جمعې لمانځه خطیب، د پاکستان په خاوره کې د ترهه ګرو په لاس د ایرانیو پوله ساتونکو شهادت  او د  نورو څلورو پوله ساتو ګواښیدنه، د ایران د ولس لپاره د نه منلو وړ وبلله.
ایت الله سید احمد خاتمي د جمعې په خطبو کې  په دې بیان سره چې دایران اسلامي جمهوریت به  په پینځو تښتولو شویو پوله ساتونکو کې د یو د وژلو او د څلورو د ګواښلو  په مساله کې د جیش العدل  د ډلې له جنایته په اسانۍ سره تیر نه شي ، ټینګار وکړ: د پاکستان دولت باید  د دغه جنایت ځواب ووایي.
د تهران  د جمعې لمانځه خطیب  په دې په ټینګار سره چې  د سیمې یو  عرب دولت په سوریې ، ایران  ، عراق او د سیمې د نورو هیوادونو په  ترهه ګرو عملیاتو کې لاس لري زیاته کړه : د پاکستان چارواکي باید پرې نه ږدي چې دغه هیواد د ترهه ګرو د فعالیت لپاره په مناسب ځای بدل شي.
ایت الله خاتمي  د ایران له مقاماتو وغوښتل چې  د جیش العدل ترهه ګره ډله د  ریګي د ترهه ګرې ډلې په شان له مینځه یوسي.
د تهران د جمعې لمانځه خطیب  د نوي لمریز کال په رابره کیدو د مبارکۍ په ترڅ کې  د رهبرۍ د ستر مقام له خوا  په هغه د « په ملي عزم او جهادي مدیریت سره اقتصاد و کلتور» د نوم کیښودلو په هکله وویل : د ایران ټول وولس او چارواکي باید  پّ نوي کال کې د دغه مهمو چارو د پرځایښت لپاره  زیار وباسي.
ایت الله خاتمي  په دې بیان سره چې اقتصاد باید  کلک وي او دننیزه بڼه ولري  جوته کړه :  مقاومتي اقتصاد دولتي نه دی بلکه د  خلکو په چورلیز ولاړ وي  او  د ایرانیو ښاریزو ژوند سرڅڼه کوي.
د تهران د جمعې لمانځه خطیب  ټینګار وکړ : د اسلامي انقلاب د مشر د وینا مطابق  د کلتور ډګر تر اقتصاده هم مهم دی  نو مسوولان باید  د ایران د کلتور چې خلکو ته عزت او سترتوب ډالۍ کړي ساتونکي وي   او دغه فرهنګ   بې له دین او دینی ارزښتونو بل فرهنګ نه شي کیدلی