د پاکستان د اطلاع رسونې وزیر  د سوریې په خاوره کې د پاکستاني القاعدې د شتون په هکله د امریکایی مقاماتو ادعا رد کړه .
د فارس خبري اژانس د راپور له مخې  د پاکستان د اطلاع رسولو وزیر پرویز رشید  نن  له خبریالانو سره په مرکه کې د نورو هیوادونو په نیابتي جنګ کې د اسلام اباد هر ډول شتون رد کړ او وې ویل پاکستان د نورو هیوادونو پّ کورنیو چارو کې لاسوهنه نه کوي او نه پریږدي چې نور هیوادونه هم د پاکستان په کورنیو چارو کې ګوتې ووهي.
هغه زیاته کړه :  ځینې عناصر هڅه کوي  د غیر واقعي خبرونو په خپرولو سره پاکستان بدنام کړي.
د امریکا سي آیی ای  پرون په یو راپور کې ادعا وکړه چې د القاعدې مشران منجمله ایمن الظواهري اوس هم په پاکستان کې دي او  غواړي  سوریې ته د وسلوالو کسانو په استولو سره  له دغه هیواده په امریکا او اورپا د حملې لپاره د یوې اډې په توګه استفاده وکړي.
د سي آیی ای په ادعا  د القاعدې زیاتره غړي د پاکستان په قبایلي سیمو کې زده کړې کوي.
پاکستان ته د عربستاني مقاماتو د تګ راتګ د زیاتیدو او  دغه هیواد ته  عربستان  له خوا د یو نیم میلیارد ډالرو د تحفې له ورکول کیدو وروسته داسې خبرونه تادوه شول چې عربستان له پاکستانه غوښتې چې  د سوريې په جنګ  کې د  بشار اسد د دولت له مخالفو ترهه ګرو ډلو سره مرسته وکړي.