د پاکستان دحکومت او دطالبانو مرکچیان به سبا له یوبل سره کتنه وکړې چې دصلحې خبرې اترې چې څو ورځې کیږي بندې شوي دي له سره شروع کړي .
دپاکستان دخیبر پښتونخوا صوبې په اکوړه خټک سیمه کښې د حکومتي او طالبانو پلاویو ترمینځ دغه کتنه په داسې حال کښې کیږي چې طالبانو ډلې څو ورځې مخکې اووربند اعلان کړ .
داپه داسې حال کښې دي چې دطالبانو ډلې لخوا له اووربند سره سره څو ترهګرې حملې شوي  چې مسوولیت یې له طالبانو ډلې جلا شوي احرار الهند پرغاړه اخیستی دی  .
د روان  میلادي کال دجنورۍ میاشتې په اخر کښې له طالبانو ډلې سره دپاکستان دلومړي وزیر نوازشریف لخوا د خبرواترو له اعلان وروسته تراوسه په دغه هیواد کښې دطالبانو په حملو کښې څه دپاسه یوسل لس(۱۱۰)کسان وژل شوي دي .
دپاکستان دطالبانو ډلې لخوا له اووربند سره سره په هیواد کښې په حملو کښې دملکي خلکو وژلې څارونکي دې ته مجبوره کړي ده چې د خبرو ستراتژۍ تر پوښتنې لاندې ورولي .