له  فیشن  او  پړک  پړوک  څخه  په  ډکه  دنیا کی، هره  ورځ   له  پخوا  په  لا زیاته  اندازه،  د  هغو  انسانانو  سره  مخامخیږو  چی،  د ژوندانه  د  لوړ  او  حقیقی   مقصد په  لټه کی  دی  .  انسان، پاک  او  لطیف   الهې  فطرت   او  روح  لری، او  حقیقت  لټونه، د هغه  په  وجودکی   نغښتې  ده .  لویدیځی  نړۍ، د انسان  د وجود  باطنې  رو حانیت  ته  له  پام  پرته،  دنیا د هغه  لپاره  بر جسته  او  اوچته  کړې ده،  او  د  ژوندانه   ټول   هدف  ئی،  د ځان  پرستۍ ، عیاشۍ   او  ګټې  لټونې  د  چورلیز   په  اساس، معنا کړئ  دئ  .  د  دغې  لیدتوګې  پایله، د  لویدیځ  والو ترمنځ،  د  ډول  ډول  کړکیچنو، بی  هویتیو،  او  پوچ ګروهنې   رواجیدل  دی  چی، ننۍ  نړۍ  ئی،  د زیاتو  ننګونو ،  په   تیره  بیا  د  معنویت، ایمان  او  اخلاقو  په  بر خه کی،  د ګن  شمیر  مشکلاتو  سره  مخامخه  کړې  ده . دا په  داسی  حال  کی ده چی، پوهان، ایمان  او  معنویت، د ژندانه  یو  بشپړ   ضروری  جز  ګنی  .
امریکائی  فیزیو لوجیست( آندرو  آوی)  وائی : د ژوندانه  بشپړ  او  معقول  مفهوم  او معنا، په  خدای  باندی  له  ایمان  پرته، د توجیه  وړ  نه  ده .  په  خدای  باندی  ایمان  دئ چی، د  انسان  شخصیت  په   اثبات  رسوی ، او  ښئی چی،  انسان د  عنصر  او  انرجۍ  څخه  یو  لا  لوړ   څیز  دئ، د  انسان  د روح  په  شتون  باندی  د پوهیدو  لپاره، د خدای  په  شتون  باندی  د ایمان  څخه  پرته، بله   وسیله  نه  شته ،  ایمان  د  ژوندانه  د ټولو مشکلاتو او  کړاؤنو په  وړاندی، یو  ټینګ  سپر  دئ ، او  یقینا  د هغه  کس  لپاره چی، په  خدای  باندی  ایمان  او  تکیه  لری، په  نړۍ کی  هیڅ  مطلق  مصیبت  وجود نه  لری . )
اوس مهال، د نړۍ  زیاتره  خلګ، د الهی   رښتنی او  په زړه  پوری  پیغام، او  همداراز ، د رضایت   د  هغه  احساس  په  لټه کی  دی چی،  یواځی  د انسان  د باطنی  ورک  شوی  څیز  په  پیداکیدو  سره، تر  لاسه کیږی .  د  دوی  زیاترو کسانو، د ژندانه  په  هکله  د  اسلام   د کامل  او  هر اړخیزی  طرحې  په  موندلو سره، د حقیقی  امنیت  او  آرامتیا  احساس  تجربه  کړی  دئ .  په  دی  توګه، د اسلام  لمر ، د توری   تیارې  بیدیا  ورک  شوی  کسان،  ځانته  جذبوی، تر څو  نوې  او  نیکمرغه  کونکې  لاره  هغوی  ته   وښئی  .
میرمن لورین  تر نر، د انګلستان   له  هیواده، یوه تازه  مسلمانه  شوې  ښځه  ده چی، په  اسلام  باندی  د ایمان  راوړلو  وروسته  ئی،  د  زینب   نوم  ځانته  غوره  کړئ دئ .  دا  د خپل  هدایت  کیدو  کیسه  داسی  پیلوی  : (د اسلام سره  د بلدتیا څخه  مخکی، په  ظاهره کی  مسیحی  ومه، خو  په  عمل کی، په  یو  خاص  دین  باندی  می  عقیده نه  درلوده، او  د خپل  قبول  وړ  اخلاقی  ارزښتونو څخه  می  پیروی  کوله . البته، د خپل  ځان  په  باطن کی  می، د بشر  څخه   په  لا اوچت  حقیقت، او  الهی  قدرت  باندی  باور  درلود، خو  دغه  عقیده  په  همدی  حد کی  وه،او د هغې  په  لاره کی  می  هیڅ   څیز  نه  لګاوه  .  په  کلی  توګه می  هڅه کوله  د  هرې ډلې او پرګنې سره چی  یمه، ځان  دهغوی  سره  یو شانته  کړم، تر  دې  چی،  د یو  مسلمان  کس  آشنا کیدنی، زما  په  وړاندی  یوه  نوې  دروازه  پرانیستله، او  په  خدای  باندی  عقیده  ئی  یو  ځلې  بیا، زما په  وجود کی ، پیا وړې  کړه .  د خپل  نوی  دوست  او  ملګری  سره  می ، د مختلفو  موضوعګانو  په  هکله  خبری  کولې .  ده،  داسی   بحثونه  مطرح کول چی، زما  لپاره  نوی  وی  .  د  انسان  د خلقت ، د  الهې  پیغمرانو،  او د ژوندانه  په  اړه  د لیدتوګې  د  ډول  په  باب  بحث  .  په  دغو  بحثونو  او  خبرو کی، زما  په  ذهن کی   پوښتنی   پیداکیدلی ، خو  زما  مسلمان  ملګری،  زما  پوښتنو  ته  د  اسلام  د تعلیماتو  له  مخی  ځواب   ورکول، او  ما  هغه  ټینګ  او  منطقې  لیده .  په  تحقیق  او  مطالعې سره  باالاخره  قانع  شومه چی،  دغه  دین  د  ژندانه  ډیره  کامله  او  ښه  طریقه  ده.)
زیاتره خلګ، په  زړه کی  د اسلام  په  حقیقت  باندی  پوهیږی، خو  د  دی  جرات  نه  لری چی، د هغې  عقیدې  په  اساس  ژوند وکړی  .  زینب تر نر ، هم  دا تجربه  لرلې ده،  او  د اسلام  منل ئی،  هغه  هم   په  انګلیستان کی، د مشکلاتو سره  مل بلل  .  لاکن  د خدای  تعالی  په  مرستې  سره  ئی   کړای  شوی دی، پر  دغه  بی  ځایه  ویر ی باندی  بر لاسئ  شی  .  دا  پخپله  په دی  باره کی  وائی  : د زړه   له  کبله  می   کوم  مشکل  نه درلود، خو  مشکل  دلته  ؤو چی، دا  زړه ورتیا می  نه  درلوده چی، د خپل  زړه  دغه  حس  ته  عملی  بڼه  ورکړم  .  تل  می  یو  لړ  پوښتنی  په  خپل  ذهن  کی، را ګر ځولی، او  له  ځانه  می  پوښتل  چی،  زما د  کورنۍ  نظر  څه  دئ  ؟  څرنګه  کولای  شم   په  ستر  او  حجاب  سره، په  ټولنه  کی   حاضره  شم ؟  کاشکی  پرته  له  دی چی،  مسلمانه  شمه، کولای  می  شول  دا تصمیم   ونیسم چی،  ښه  انسان  و اوسمه، لاکن  کله  چی  می  ښه  فکر  وکړ ، پوه  شومه  چی  دا  ټولی  پلمی  دی  .  تر  دی  چی  یوه  ورځ  می   قرآن  را  واخیست، او  خلاص  می  کړ، ناڅاپه  دا  آیت   زما  پام   جلب  کړ : ( او که  موږ،  فرشتې  پر  هغوی  باندی   نا زلولی، او  مړیو  د هغوی  سره  خبری  کولای،  او  ټول  څیزونه  مو  د هغوی  په  وړاندی  را  ټول  کړی  وای،  هیڅکله  ئی   ایمان   نه  راؤړه، مګر  د خدای  په  غوښنې  سره . )  دا  دانعام  د مبارکی   سورې  ۱۱۱  آیت  دئ  .  په  حقیقت  کی  دغه  آیت، زما  دنده  وټاکله، او  د هیڅ   عذر  او  پلمې   ځای  ئی  باقی  پری  نه  ښود . )
په  اسلام  باندی  ایمان  راوړونکی  تل، د اسلام  په  مبین  دین  باندی  د ایمان  راوړو   له  ورځی   څخه،  په  خاص   شور  او  شوق  سره، یادونه   کوی .  میرمن  ترنر  هم، د هغې  په یاد پاتیدونکې   ورځې  خاطره، داسی  بیانوی   : پسله  دینه  چی  می  خپل  تصمیم  ونیو، د خپل  یو شمیر شم مسلمانو ملګرو  سره، په  انګلیستان کی  میشت، د یو  روحانی  کورته  لاړمه، ترڅو  د شهادتین  کلمه  د هغه  په  حضور کی  په  ژبه  جاری  کړمه ، د لاری  په  اوږدوکی، زړه می نه  صبریده، او غوښتل می چی،  هرڅه  ژر،  په  رسمی  توګه  د اسلام  دین  قبول  کړم  .  د شهادتین  د ویلو  په  وخت، ما  او  زما ملګرو  د شوق  اوښکی  تویولې  .  په  هغو  شیبو کی  می  احساس  کاوه چی، خدای  ماته  دوباره  ژوند  راکړئ دئ .
دغه  انګلیسۍ  تازه  مسلمانه  شوې  میر منی، د مسلمانیدو  نه  وروسته، د تشیع  مذهب   غوره  کوی، دا   دخپل  دغه  انتخاب  د  دلیل  په  باب  وائی  :  په  اسلام  باندی  د ایمان  نه  وروسته،  د وهابیونو  پر  عقایدو  باندی   واکمن  خشونت،   زورولم .  تر  دی  پوری  چی ، په  هغه  سفرکی  چی، زما  خاوند، پاکستان  ته  درلود،  شیعه ؤو   دومره  په  ورین  تندی، له  هغه  څخه   هرکلئ  کړئ  ؤو  چی، تر   تاثیر  لاندی  ور غلئ  ؤو، او  کله  چی  انګلیستان  ته  ستون  شو، د  تشیع  دمذهب  په  هکله  د  تحقیق  په  لټه  کی  شو .  ده ،  د  په  لندن کی، د یو  شیعه  مرکز  څخه، څو  کتابونه  د مطالعې  لپاره  واخیستل، او له  څو  میا شتی  وروسته، زه هم  د هغه  سره  یو  ځای  شومه .  د اسلام  د صدر   د تاریخ د مطالعې، او د ګن  شمیر  روایاتو، په  تیره  بیا د غدیر  د حدیث، او  د اهلبیت  په  هکله   د تطهیر  د آیت  د تفسیرونو  د  څیړلو  وروسته ، د تشیع  په  حقانیت  باندی  پوه  شومه، او  د اهلبیت   ع، مکتب  می  غوره  کړ  .
قران کریم  تل، د نیکمرغه  ژوند  په  لور  د  خلګو  لار ښونکئ  دئ ،  میرمن  ترنر، قرآن کریم  هغه  ډیر  ښه  کتاب  ګنی  چی، تر  اوسه  ئی  لوستئ  دئ .  دا  وائی : ( هغه  څه چی، په  اسلام کی، له  ټولو  زیات  ئی  زما نظر   جلباوه، قرآن  ؤو .  هغه  علمی  حقیقتونه  چی، په  قران کریم  کی  ذکر  شوی  دی،  لکه : د جنین  د ودې  مرحلی، د اوبو څرخه  او  جریان، د بوټو  او  نباتاتو  تلقیح، او  د آسمان  او  ځمکې  خلقت،  زما لپاره  ډیر  جالب  ؤو  .  په  حقیقت کی  قرآن کریم، هغه  موضوعګانی  په  د قیقه  توګه  مطرح  کړی  دی  چی، د هغو زیاتره  د علم او  تکنالوجۍ  په  پر مختګ  سره، د انسانانو  لپاره  روښانه  او  ثابت  شوی  دی  .  قرآن کریم  د انسانانو د زیاترو   ورځنیو اړتیاؤ  ځواب  ویونکئ  دئ .  دغه  آسمانی کتاب، یو  نړۍ  وال   او د ورځنیو چارو سره  سم، کتاب  دئ . په  داسی  حال کی  چی، انجیل  تحریف  شوئ دئ،  لاکن  د مسلمانانو  آسمانی  کتاب، قرآن،  هماغه  شان  لاس  نه  خوړلئ  پاتی  شوئ دئ  . )
انګریز  لیکوال، هربرت  جورج  ولز، د اروپا د علمی  مجلو  د یو  خبریال  د پوښتنی  په  ځواب کی چی، پوښتلی  ئی  ؤو، هغه  ډیر  ستر  کتاب چی،د انسانانو  د تاریخ له  پیله  تر  اوسه  پوری، په  دنیا کی، له  نورو  کتابونو څخه  په  زیاته  اندازه  اغیزه شیندلې  ده، او  له  ټولو لا مهم   شمیرل  شوئ  دئ، کوم  کتاب  دئ ؟  ویلی  دی :
( د دنیا  ډیر  مهم  کتاب، قرآن  دئ ؛ ځکه  چی  دغه  آسمانی  کتاب، هغه   تاثیر  چی، پر  دنیا باندی  ئی  وکړ، هغه  ته   ورته  هیڅ  کتاب  له  ځانه  نه  دئ  ښودلئ .  قرآن، علمی،  دینی، ټولنیز، تربیوی، اخلاقی  او  تاریخی  کتاب  دئ .  د هغه  مقررات، قوانین، او  احکام ، د  نننۍ  نړۍ  د  اصولو، مقرراتو او  قوانینو سره، سمون  خوری، او  د تل  لپاره  د پیروی  او  عمل کولو  جوګه  دئ . هر څوک  وغواړی  داسی  یو دین  غوره  کړی  چی، د حرکت  مسیر  ئی، د انسان  د تمدن سره  پرمختګ  ولری، باید  د اسلام   دین   غوره  کړی، او  که  وغواړی  چی،  د دغه  دین  په  معنا باندی  پوه شی، باید قرآن  ته  مراجعه  وکړی .  قرآن، د زړه  له  کومی  د یوی  عقیدې، یعنی  د توحید  او  فاضله  او  ښو اخلاقو،  ډیر  ښه   لارښوونکئ  دئ .  په  قرآن  کی، ډیر  ښه  عبارتونه، او ډیری  عالی او لوړې  جملې  نازلې  شوی  دی  .  دهغه  د فصاحت  او  بلاغت  اسلوب  او طریقه، دومره  ښکلې  ده  چی، د پوهانو او  متفکرینو  عقل ئی  هک  حیران کړئ  دئ، قرآن ، ابدی  او  نړیوال  کتاب  دئ . )
په  نننۍ  دنیاکی، د اسلام  دین  ته  د لویدیځو  ټولنو ګروهنه، په  تیره  د ښځو پاملرنه، یوه  نه  انکار  کیدونکې  موضوع  ده  .  د اسلام   څخه   د  ویرونې  د  فضا  د سختولو  په  زمینه کی، د امریکی  او  نورو  لویدیځو  دولتونو نقشو، او  هلو ځلو هم، ندی  کړای  شوی، اسلام  او  د هغه  حقیقت  ته، ګروهنه  کمه  او  پیکه  کړی .  زینب ترنر، زیاتوی : زما په  نظر   اسلام، د مینی، محبت، ګذشت  او  سولې  پیغام  دئ  .  اسلام  هغه  پیغام  دئ چی،  زیاتره  اروپائیان  ئی  دځان  لیوال  کړی  دی ،  په  تیره  بیا، د  سپټامبر  د  ۱۱  نیټې  د پیښو  نه  وروسته،  د  اسلام  د دین  په  نسبت   د  رامنځته  شوې  کنجکاوۍ  نه  وروسته  . له  دې  باوجود چی،  دقیقې  شمیرنی  په  لاس کی  نشته، خو  کارپیژاندی،  په  اروپا کی   د  تازه  مسلمان  شویو  نارینه ؤ، او ښځو شمیر، په  کال کی  څو  زره  تنه  اټکلوی  .  د سپټامبر  د  ۱۱ نیټې  له  پیښې  وروسته، زموږ  په  هیواد، انګلیستان کی  هم، د مسلمانانو  لپاره  ځینی  مشکلات  رامنځته  شول، مګر   دغو  مشکلاتو، په  اسلام  باندی  زموږ  د عقیدې   یوه  ذره  کمه  نه  کړه ،  بلکه  موږ  پخپله  عقیده  لا هوډمن  شولو .  اوس  د متعال  خدای  په  مرستې  سره، مسقیمه  لاره می  موندلې، او حضرت پیغمبر اکرم  ص ، او  د انحضرت  اهلبیت  ع ، می  خپل  سرمشق  ټاکلئ  دئ .  هغوی  باید  د ژوندانه  په  ټولو  حالاتوکی، په  یاد ولرم، او  یواځنۍ  آرمان  می  دا دئ چی، هغوی  هم،  دقیامت  په  ورځ  ما  هیر  نه کړی  .)