په انګلستان کښې یوه زوړ پال غړي حکومت په داخل او خارج کښې د ترهګرۍ  په پراختیا تورن کړ .
پریس ټي وي چينل راپور ورکړ دانګلستان د کنزوریټو ګوند دپارلمان غړي رابرټ هالفون له ټایمز ورځپاڼې سره په مرکه کښې وویل سرزوري کسان په انګلستان کښې د پوځي روزنې د ترلاسه کولو په حال کښې دي او  ترهګر له روزنې وروسته دسوريې له حکومت سره دجنګ لپاره دغه  هیواد ته  ورځي .
هغه دعراق دجنګ په شان جنګونو کښې له نیغ په نیغه ګډون  څخه د انګلستان  ویرې ته په اشارې سره وویل بریطانیه به تر هغه وخته چې نیغ په نیغه جنګ ته ورګډ نشي له زور څخه استفاده ونکړي .
دانګلستان دپارلمان د غړي رابرټ هالفون دغه وینا په داسې حال کښې شوي ده چې د انګلستان  د جاسوسۍ ادارو د  اټکل پراساس دبریطانیه کابو پینځه سوه (۵۰۰)ترهګر همدا اوس په سوریې کښې خلکو او حکومتي عسکرو پرضد په جنګ بوخت دي .
د سور يې ولسمشر بشار اسد د تیر ميلادي کال په مي میاشتې کښې د ارجنټاین له کلرین ورځپانې  سره په مرکه کښې ویلي وو ددنیا دنهویشتو (۲۹)هیوادونو ترهګر دهیواد په مختلفو سیمو کښې له حکومتي عسکرو په په جنګ  بوخت دي .
سعودي عربستان، قطر، ترکيې ، امریکا ، انګلستان ، فرانسې او ځینو نورو عربو او اروپايي هیوادونو دسوریې جنګ شروع کړی او هلته ترهګرو ته وسلې او پیسې ورکوي .