Kamfanin dillancin labaran France Press ya habarto daga majiyar tsaron Somaliya cewa; Wani bom da aka dana a cikin kwamfuta ya tarwatse a farfajiyar gudanar da binciken kayayyakin matafiya a filin jirgin saman garin Baidawin na Somaliya lamarin da ya yi sanadiyyar jikkatan mutane shida, biyu daga cikinsu jami'an tsaro ne da suke kula da tsaron filin jirgin.

A bayan tashin bom din jami'an tsaron Somaliya sun tsananta gudanar da bincike lamarin da ya kai su ga gano wasu bama-bamai biyu na daban, kuma sun yi nasarar lalata su kafin fashewarsu.