Rundunar sojin Syria ta sanar da kammala kwace iko da yankin Khalidiyyah baki daya a yau daga hannun 'yan ta'adda, bayan kwashe tsawon makonni ana musayar wuta mai tsanani. Bayanin ya ce sojojin na Syria sun samu nasarar kwace yankin ne mai matukar muhimmanci bayan kashe daruruwan 'yan bindiga daga kasashen duniya daban-daban da suka kafa tungarsu a wurin fiye da shekara guda, an kuma kame wasu daruruwan na daban, yayin da wasu kuma suka mika kansu da makaman da ke hannunsu.