سوال ایام البیض نوں ایام البیض  کیوں کیا جانداویے؟

اس حوالے نال دونظریے پائے جاندین :

۱: چونکہ اناں دناں دی راتاں نوں چن پورا ہونداے تے چن دی چانڑی ہوندی اے تے رات نوں بی چانڑاں ہوندے اسی وجہ نال اناں دناں نوں بی ایام البیض کیا گیا ویے ۔

۲:دوسری وجہ ایے ویے کہ رسول اللہ صلی اللہ علیہ وآلہ وسلم دی حدیث کہ : حضرت آدم علیہ السلام کولو ترک اولی سرزد ہویا تا اُناں دا بدن کالا ہوگیا یے۔ اس سی بعد اناں دے دِل تے الہام ہویا یے کہ ۱۳،۱۴،۱۵ نوں تو روزہ رکھ ۔ جسراں جسراں او روزہ رکھ دے رہین اُناں دے جسم دا ہک حصہ سفید ہوندا ریا۔ تین دِن پورے روزے رکھے نے تا اُناں دا پورا بدن سفید ہوگیاے ۔ اسی وجہ نال اناں دناں نوں ایام البیض کیا جاندے ۔

اسی حوالے نال ہک ہور روایت بی ملدی اے : عبداللہ بن مسعود سی روایت اے کہ منے نبی اکرم صلی اللہ علیہ وآلہ وسلم سی سنڑاے کہ جدو حضرت آدم علیہ السلام کولو ترک اولی سرزدہویا تا عرش سی آواز آئی اے کہ اے آدم میرے رحمت دے جوار سی نکل جا کیونکہ جیڑا میری نافرمانی کرے او میرے جوار وچ نئیں رہ سکدا ۔حضرت آدم علیہ السلام تے فرشتے رونڑے لگے وت اللہ نے جبرائیل دے ذریعے اجئ ے حالت وچ زمین تے پیجا نے کہ اُناں دا سفید تے نورانی رنگ کالے رنگ وچ بدلا ایا ۔

اے دیکھ کہ فرشتے دی فریاد بلند ہویے اے ساڈے پروردگار ' تنے ہک مخلوق خلق فرمائی ے تے وت اُس وچ آپڑی روح پائی آ۔ تے ملائکہ نوں اُس دے سامنڑے  سجدہ کرنے دا حکم دتائی ۔ تے ہونڑ ہک ترک اولی دی وجہ نال اُس دا رنگ کال کر دتائی ۔اللہ آسمان ولو آوازآئی اے کہ اج اللہ وسے روزہ رکھ  ۔ اے دِن چند دی  آئی ۔ آدم علیہ السلام نے روزہ رکھے ۔ تھوڑی جی جگہ چٹی ہوگئی اے ۔ پورے ترے دن اس نے روزہ رکھے تا وت پیلے ہار منور ہوگئین ۔ لہذا اس وجہ نال  اناں نوں "ایام البیض" کیا جانداوے ۔