جواب :حضرت فاطمہ علیہا السلام  پیغمبر اکرم صلی اللہ علیہ وآلہ وسلم دی شہادت ہوئی اے ۔ تے اس دے بارے وچ  اہل سنت تے شیعاں دی کتاباں وچ حدیثاں تے روایتاں موجود وُن ۔اسی اتھے اہل سنت دی کتاباں وچو اناں دی شہادت دے قصے نوں بیان کرنے آں  کیونکہ شیعہ دا تا اس بارے وچ کوئی اختلاف نیینگا ۔او تا پیلے سی ای اے گہل کر دے ائے وُن برے اہل سنت  دی وچ کچھ لوگ اس گہل نوں منڑیں وسے تیار نیینگے  تا اُناں دی اطلاع وسے اتھے کچھ گہلاں اُناں دی معتبر کتاباں چو ای  نقل کرنے آں تے فیصلہ تواڈے تے چھوڑنے آں ۔

اہلسنت  دی ہک کتاب المصنف ،ج ۷،ص ۴۳۲،حدیث ۳۷۰۴۵،کتاب الفتن وچ لکھ دے وُن :

«حين بويع لأبى بكر بعد رسول اللَّه (ص) كان عليّ والزبير يدخلان على فاطمة بنت رسول اللَّه (ص) فيشاورونها ويرجعون في أمرهم، فلمّا بلغ ذلك عمر بن خطاب، خرج حتّى‏ دخل على فاطمة فقال: يا بنت رسول اللَّه (ص) واللَّه ما أحد أحب إلينا من أبيك وما أحد أحب إلينا بعد أبيك منك، وأيم اللَّه ما ذلك بمانعي أن اجتمع هؤلاء النفر عندك أن أمرتهم أن يحرق عليهم البيت. قال: فلمّا خرج عمر جاؤوها فقالت: تعلمون انّ عمر قد جائني وقد حلف باللَّه لإن عدتم ليحرقنّ عليكم البيت، وأيم اللَّه ليمضينّ لما حلف عليه. »

یعنی جیڑے ویلے رسول اللہ صلی اللہ علیہ وآلہ وسلم دی وفات سی بعد حضرت ابوبکر دی بیعت لتی گئی تا حضرت علی تے حضرت زبیر  حضرت فاطمہ علیہا السلام بنت محمد صلی اللہ علیہ وآلہ وسلم دے کہار اُناں نال مشورہ کرنے وسے آنڑا جانڑاں کر دے ہئے ۔حضرت عمر نوں جیڑے ویلے اس گہل د اپتہ چلا وے تا او حضرت فاطمہ علیہا السلام دے کہار گئےین تے کیا نے کہ: اے رسول اللہ صلی اللہ علیہ وآلہ وسلم  دی  بیٹی  اللہ دی قسم اے کہ سانوں تواڈے پیو سی زیادہ کوی پیارا نینگا تے اُناں دء وفات سی بعد تواڈے سی زیادہ کوی پیارا نینگا ۔ لیکن اگور  اللہ دی قسمے   اگور اے اسراں  تواڈے کول اکٹھے ہوئے تا وت اے گہل منوں تواڈے کہار نوں اگ لانڑیں سی نہ روک سی۔  او کہندے وُن کہ جیڑے ویلے عمر اُتھو چلا گیا وے تا حضرت فاطمہ زہرا سلام اللہ علیہا  اُناں کول آئی اے تے کیا نے : توانوں پتہ وے کہ عمر میرے کول آیا تے اے قسم کہادیس کہ  اگور تُسی دوبارہ آیو تا میں تواڈے کہار نوں اگ لا دے ساں ۔اللہ دی قسمے  او آپڑی قسم تے عمل کر سی نے ۔

اے وی روایت  اسی اسراں ای  سیوطی نے مسند فاطمیہ وچ صفحہ ۳۶ تے ابن عبد البر نے الاستیعاب  وچ بی لکھی اے ۔ ابن عبدالبر، الاستيعاب، ج 3، ص975

 «انّ ابابكر ارسل الى علىٍّ يريد البيعة، فلم يبايع فجاء عمر ومعه فتيلة فتلقته فاطمة على الباب، فقالت فاطمة: يابن خطاب ! أتراك محرقاً علىَّ بأبي؟ ! قال: نعم. »

جسراں بلاذری کہنداوے :ابوبکر نے حضرت علی  علیہ السلام نوں پیغام پیجا وے کہ میری بیعت کر لے برے علی علیہ السلام نے انکار کر دتتا وے ۔تا عمر آپڑے ہتھ وچ یک اگ دی مشعل لے کہ آیا وے ۔ حضرت فاطمہ علیہاالسلام نے عمر نوں اچانک ای آپڑے دووازے تے ہتھ وچ اگ دی مشعل نال دیکھا وُس  تے انوں فرما یا نے : میری اکھیاں دے سامنڑیں تو میرے کہار نو اگ لا دے سیں؟ اُنے کیا ہاں

بلاذرى، انساب الاشراف، ج 1، ص 586.

وابوالفداء بی لکھدا وے کہ :

« ثمّ انّ ابابكر بعث عمر بن خطاب الى عليٍ ومن معه ليخرجهم من بيت فاطمة (رضي‏اللَّه عنها) وقال: ان ابى‏ عليك فقاتلهم، فاقبل عمر بشى‏ء من نار على ان يضرم الدار، فلقيته فاطمة (رضي‏اللَّه عنها) وقالت: الى اين يابن الخطّاب؟ ! أجئت لتحرق دارنا؟ ! قال: نعم، او يدخلوا فيمادخل فيه الامّة. »

ابوبکر نے عمر نوں حضرت علی علیہ السلام تے جیڑے لوک اُناں نال ہئے ، ول پیچا وس کہ اُناں نوں حضرت فاطمہ علیہا السلام دے کہارو کہڈ ۔تے اگور او تیری گہل منڑیں سی انکار کردے وُن تا اُناں نال جنگ کرین۔

لہذا عمر نے تھوڑی جئی اگ لیتی اے تاکہ کہار نوں آگ لادے وے۔

فاطمہ علیہا السلام اُس دے رستے وچ آگئی اے تے  فرمایا نے اے خطاب دے پُتر تو میرا کہار سانڑنے آیا ویں؟ اُنے کیا ہاں  یا اے کرون کہ اُمت نے جیڑا رستہ اختیار کیتااے او اے بی کر لوُن ۔

ابوالفداء، تاريخ ابى الفداء ج 1 ص 156. دار المعرفة، بيروت.

رسول اللہ صلی اللہ علیہ وآلہ وسلم دا  جناب فاطمہ علیہا السلام دی شہادت دی خبر دینراں:

حضور اکرم صلی اللہ علیہ وآلہ وسلم نے حضرت فاطمہ علیہا السلام دے حالات خبر پیلے سی دے دتہ ہئی ۔اسی وسے اہل سنت دے ہک بوت وڈے عالم شافعی جوینی  کہ جیڑے ایل سنت دے بعض عالماں دے اُستاد بی وُن ۔ اناں شاگرداں چو ہک ذہبی بی وُن ۔ ذہبی اُناں دی شاگردی تے فخر کر دے  اوے کہندا :

سمعت من الإمام المحدّث الأوحد الأكمل فخرالإسلام صدرالدّين... و كان ديّناً صالحاً.

 تذكرة الحفاظ، ج 4، ص 1505، رقم 24.

جوینی کہندا وے کہ  رسول اللہ صلی اللہ علیہ وآلہ وسلم نے فرمایا اے :

 «..وانّي لمّا رأيتها ذكرت ما يصنع بعدي، كانّي بها وقد دخل الذّل بيتها وانتهكت حرمتها وغصبت حقّها ومنعت ارثها وكسرت جنبها واسقطت جنينها وهي تنادى: يإ؛ محمداه...فتكون اوّل من يلحقني من أهل بيتي فتقدم عليّ‏َ محزونة مكروبة مغمومة مغصوبة مقتولة. »

میں جیڑے ویلے آپڑی بیٹی فاطمہ علیہا السلام نوں ویکھ نا واں  تا منوں میرے بعد فاطمہ  علیہاالسلام نال پیش آنڑیں ولے واقعات  یاد آجاندے وُن ۔ گویا کہ اُناں دے کہار ذلت وڑگئی اے تے اُناں دی حرمت پامال کیری جاندی پئی اے تے اناں حق غصب پیا ہوندا وے اناں دی وراثت اناں کولو کھوئی جاندی پئی اے اناں دی پسلیاں پنی جاندی پئیاں وُن تے او فریاد پئی کر دی وُن :یامحمداہ ۔۔۔ جناب زہرا علیہا السلام میری اہل بیت چو سب سی پیلے میرے نال ملحق ہو سی ۔او میرے کول مخزون، مکروب ، مغموم،مقتول  حالت وچ آسی ۔

فرائد السمطين، ج 2، ص‏34، 35 طبع بيروت. ‏

حضرت محسن  دی شہادت :

اہل سنت  دے  ہک بوت وڈے  عالماں چو ہک ابی دارم وُن  کہ جناں دے بارے  وچ  ذہبی لکھدے وُن کہ : الامام الحافظ الفاضل... كان موصوفاً بالحفظ و المعرفة» تے اُناں دے جناب محسن دی شہادت دے بارے وچ اس جملے دی  تائید کیتی نے : كان ابن ابى دارم مستقيم الامر عامة دهره ثم فى آخر ايامه كان اكثر ما يقرء عليه المثالب حضرته و رجل يقرء عليه ان عمر رفس فاطمة حتى اسقطت بمحسن. »

 عمر نے حضرت فاطمہ علیہاالسلام نوں اجئی لت ماری اے کہ حضرت محسن اناں دے پیٹ وچ شہید ہوگے این ۔

« سير اعلام النبلاء، ج 15، ص 578.

حضرت فاطمہ دے جنااچ ابوبکر نوں اجازت نہ دینڑاں:

اہل سنت دی سب سی   معتبر کتاب صحیح بخاری وچ  لکھا وے  کہ:

فلمّا توفّيت دفنها زوجها عليّ ليلاً و لم يؤذن بها ابابكر و صلّى عليها...

صحيح بخارى، ج 3، ص 253، كتاب المغازى، باب 155 غزوة خيبر، حديث 704.

یعنی جیرے ویلے حضرت فاطمہ علیہا السلام  اس دُنیا سی رحلت فرماگئی ین  تا حضرت علی علیہ السلام  نے اُناں نوں رات نوں دفنایا اے تے ابوبکر  نوں حضرت فاطمہ علیہا السلام  دی نماز جنازہ پڑھنے دی اجازت نئیی دتی  نے ۔

تواڈے ضمیر دا فیصلہ :

 اہل سنت  دی معتبر راویتاں دی روشنی تُسی آپی فیصلہ کرو کہ حضرت فاطمہ علیہا السلام  شہید ہئیاں کہ نئیں  تے جناں نے حضرت فاطمہ علیہا السلام نوں شہید کیتا اے کونڑ ہئے تے اُیا اُناں کولو نبی اکرم صلی اللہ علیہ وآلہ وسلم راضی  ہو سکدے وُن ؟ تُسی تے تواڈا خدا  اللہ نوں حاضر ناظر رکھ کے فیصلہ کرو ۔ اگور قیامت ولے دِن   اللہ دے پاک رسول  صلی اللہ علیہ وآلہ وسلم نے تواڈاگروان پکڑکے پوچھ لتا کہ تُسی میری بیٹی فاطمہ علیہا السلام  دے نال ہئیو یا اُناں دی قاتلاں نال، تواڈ کیہ جواب ہوسی ؟

والسلام علی من اتبع الھدی