تہران: ایران نے خلا وچ باندر بھیجن دا کامیاب تجربہ کیتا اے جیہدی نینہہ تے ایرانی خلائی ادارہ سال 2020 وچ خلا وچ انسان نوں بھیجے گا، پچھمی ملکاں وچ ایران دے کامیاب خلائی تجربیاں تے تشویش ۔
ایرانی ٹی وی مطابق ایرانی سائنسدان نے خلا وچ باندر بھیجن دا اک کامیاب تجربہ کیتا اے تے بندر خلائی راکٹ وچ فٹ کیتے گئے اک کیپسول راہیںخلا وچ بھیجیا گیا تے اج کامیابی نال ایس راکٹ نوں زمین تا لاہ لیا گیا اے ایس توں پہلے سال 2011 وچ وی ایران ولوں باندر نوں خلا وچ بھیجن دی کوشش کیتی گئی سی پر اوہ کامیاب نہ ہو سکی۔ ایران خلا وچ کچھوکُما تے چوا وی بھیج چکیا اے۔
دوجے پاسے پچھمی ملکاں نے ایرانی خلائی تجربیاں تے ڈاڈھی تشویش دا وکھالا کردے ہوئے کہیا کہ ایران خلائی تجربیاں پچھے بین البراعظمی میزائل بناؤن دا ارادہ رکھدا اے۔