مقدس غصّہ

بسم اللہ الرّحمن الرّحیم

و من يخرج من بيته مهاجراً الی الله و رسوله ثم يدركه الموت فقد وقع اجره علی الله
الحمدلله علی الائه والصلوة والسلام علی انبيائه سيما خاتمهم و افضلهم و علی اوليائه

قلم ، زباناں ، گلاں ، لکھائیاں اللہ تعالی دی اُناں نعمتاں دا شکر ادا نئیں کر سکدے کہ جیڑیاں اللہ نے اس جہان اچ وسنڑے ولےیاں نوں عطا کیتی ا ن ۔ تے عطا ہوندی رہسُن ۔ تے اللہ دا لکھ لکھ شکر اے کے اللہ نے سانوں ساری موجودات سی افضل خاتم النبین حضرت محمّد مصطفی صلی اللہ علیہ وآلہ وسلّم دا امتی بڑایا اے ۔ تے سانوں اُس قرآن مجید دا پیروکار بڑائے کہ جیڑا سب کمالات سی مالا مال اے ۔ تے جیڑا انسانی شیطاناں دی طرفو ہر قسم دی کمی تے زیاتی سی پاک اے ۔ اس اچ نہ تا ایک حرف زیادہ ہویا تے نہ کھٹ ہویا ۔اے اللہ دی او کریم کتاب اے کہ جنے سانوں تاریخ اچ اللہ دی طرفو آنڑے ولے پاک نبیاں دےدُنیا دے مستکبراں نال مقابلے سی آگاہ کیتا اے ۔ پیغمبر اکرم صلی اللہ علیہ وآلہ وسلم دے ذریعے مشرکاں تے کافراں تے اناں سب سی پیلے منافقاں سی باخبر کیتا وے ۔ تے انبیاء دا اناں مستکبراں نال مقابلہ ہر زمانے وسے تے ہمیشہ وسے وے ۔
اس کتاب وچ اللہ نے ارشاد فرمایے کہ :
«قُلْ إِن کَانَ آبَاؤُکُمْ وَأَبْنَآؤُکُمْ وَإِخْوَانُکُمْ وَأَزْوَاجُکُمْ وَعَشِیرَتُکُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ کَسَادَهَا وَمَسَاکِنُ تَرْضَوْنَهَا أَحَبَّ إِلَیْکُم مِّنَ اللّهِ وَرَسُولِهِ وَجِهَادٍ فِی سَبِیلِهِ فَتَرَبَّصُواْ حَتَّى یَأْتِیَ اللّهُ بِأَمْرِهِ وَاللّهُ لاَ یَهْدِی الْقَوْمَ الْفَاسِقِینَ»-توبه آیة 24-.
مصلحت اندیش ، سازشی تے جواناں دی شہادت تے ،جان ،مال دے خسارے تے افسوس کرنے ولےیاں نوںمخاطب کر کے اے فرمایا(یعنی اناں ساری چیزا سی ڈرنے ولے یاں نوں مُخاطب قرار دتا نے )، مزے دی گل اے وے کہ اللہ تعالیٰ تے اللہ دے رسول صلی اللہ علیہ وآلہ وسلّم دی محبت سی فورا بعد سارے الہٰی احکام چو صرف اللہ دے رستے اچ جہاد دا ذکر کر کے لوکاں نوں متوجہ کیتا گیاوے کہ جہاد فی سبیل اللہ سب احکام سی پیلے وے ۔ تے اے سارے اصولاں دا محافظ اے ۔ تے اس نکتے ول بی متوجہ کیا گیے کہ اگر جہاد سی مُنہ موڑا نے تا وت اس دی سزا تے نتجہ پوگوتنڑے وسے بی تیار روو۔ ذلت ، رسوائی ، گرفتاری ، اسلامی تے انسانی قدراں دی پامالی ، تے او وئے چیزاں کہ جناں دا ڈر ہییا یعنی نکے وڈیاں دا قتل عام ، رناں خانداناں نوں قیدی بنڑانڑاں ۔
ظاہر اے کہ اے سب کچھ جہاد سی مُنہ موڑنے دی سزاوے بالخصوص دفاعی جہاد سی مُنہ موڑنے دے نتیجے اچ اَسی سارے اناں بلاواں اچ مبتلاواں ۔ اسی وڈی کیڑی بلا ہو سکدی اے کہ اج کل اسلام دے دُشمنڑ اسلام نوں بنیاد سی ختم کرنے تے اپڑے نال وابستہ حکومتاں دی تشکیل حسنی مبارک دی ظالم خکومت ، قوماں دے جان تے مال نو برباد کرنا تے اسلامی ملکاں عراق ، فلسطین دی مظلوم قوم ، افغانستان وچ پچھلے چند سالاں اچ لے کے آاین ۔
لیکن اللہ تعالٰی دا لکھ لکھ شکر اے کہ اسلام دی آواز بوت دور دور دے مُلکاں اچ پونچ گئی اے تے اسلام دی معنوی خوشبو نال پوری دُنیا مہک دی پئی اے ۔ اسلام دے دُشمنڑاں دے ناپاک ارادیاں تے سازشاں دے برخلاف ذلت تے رسوائی اناں دا ہی مقدر بنڑی اے ۔ اناں دے پلیت خواباں دے برخلاف کہ جس اچ او دین تے دیانت دے ختم ہونڑے دے وعدے پئے ہئے اج اسلام طلبی دی آواز وھایٹ ہاوس دے سامنڑے سی بی سُنڑائی دیندی پئی اے ۔
آج کل جیڑی فضا بنڑی اوی اے اس اچ ساڈ ے سب مسلماناں وسے ضروری اے کہ بوت سمجھ داری نال اس سی فائد چکئے تے سب مسلمان تے مظلوم ہک دوسرے دے ہتھاں وچ ہتھ پا کے اپنڑوں اناں ظالماں دے شکنجیاں چو آزاد کروائیے ۔ تے سب شہیداں تے دوستاں دی طرفوں سب مل کے مکے تے مدینے دے در و دیوار نوں لبیک یا رسول اللہ صلی اللہ علیہ وآلہ وسلم دے نعرے نال لرزا دئے ۔
مشرکاں سی برائت دا اظہار توحید دے ارکان تے حج دے سیاسی واجبات چو اے ۔ تے سانوں چاید اوے کہ اس نوں حج دے سارے دناں وچ مظاہریاں ، ریلیاں دی صورت اچ منائیے ۔ تے ساری دُنیا دے حاجی اناں مشرکاں تے گستاخاں سی برائت دے اظہار دے اس نعرے دی آواز کم نہ ہونڑے دون ۔ اپڑے شہیداں دے مبارک خون دا انتقام صرف لبیک یا رسول اللہ کہہ کے بلعم باعورا دے پیروکاراں سے لوُن ۔اناں ظالماں دے خلاف ساڈے انتقام دے اتھرواں سکڑیں نہ دیئے ۔ لبیک یارسول اللہ صلی اللہ علیہ وآلہ وسلم تے مردہ باد امریکہ دے واشگاف نعریاں نال حج دی فضا نو ں معطر کر دے ریئے ۔
او لوک جیڑے کچھ دِن پیلے تک بعض مسلماناں تے نبی دے پاک دےصحابہ دی گستاخی دا الزام لا کے اناں نو ں رافضی ہونڑے دے فتوے دے دین رین ۔ اج کیوں نبی اکرم صلی اللہ علیہ وآلہ وسلم دی شان اچ گستاخانہ فلم دے خلاف ہونڑے ولے پُر امن مظاہریاں دے مُخالف وُن تے اُنوں کفرانِ نعمت سمجھ دے پے وُن ۔ آیا اج اس گل اچ کوئی شک رے گیا وے کہ مکہ مکرمہ تے مدینہ منورہ دے وچ امریکہ دے منافعاں دے محافظ مسلماناں نوں کنٹرول کرنے تے مسلماناں دی ثروت تے دولت لوٹنے ولے لوک سازش تے فتنیاں اچ مصروف وُن ۔ کیڑا مسلمان اے جیڑا اس گستاخی دے خلاف احتجاج پیا نہ کر دا ہوئے ۔ ؟
اسی سارے مسلمان تے نبی اکرم صلی اللہ علیہ وآلہ وسلم دے عاشق اناں گستاخاں تے اسلام دے دُشمنڑاں دے خلاف اپڑے پورے غم تے غصے دا اظہار کر سیے ۔ تے خناس دے وسوسویاں دی بالکل بی پروا نئیں کرسی ایں ۔ تے کسی بی ویلے لبیک یا رسول اللہ سی غافل نہ ہوسی ایں ۔ اسلام تے امت اسلامی دے دُشمنڑ اس سی بعد آرام نال نہ بیٹھ سُن تے مختلف بہانڑیاں تے چہریاں تے مختلف قسماں دے ماسک پا پا کے ، عالم نما افراد تے درباری مُلاں طراں طراں دی غلط تفسیراں تے غلط فلسفے بیان کرسُن ۔ تے نبی اکرم صلی اللہ علیہ وآلہ وسلم دی امت تے عاشقاں نوں ستانڑے تے اس عقیدت دے اظہارسی منع کرنے وسے ہر کَم کرنے وسے تیار اُن ۔ ایہہ بی ہو سکدا وے کہ اے جاہلانہ فکر دے مالک اے کینڑے لگُن کہ اللہ تعالی دے کہار دی قداست اس چیز دی اجازت نئیں دیندی کہ اتھے مظاہرے تے احتجاج کیتا جاوئے ۔ حج عبادت دی جگہ وے لڑنے دی جگہ نئیں ۔ ایہہ بی ہو سکداے کہ اے عالم نما جاہل کہوُن کہ اظہار برائت کرنا ، جنگ کرنا دُنیا داراں دا کم اے ۔ تے شیطان بزرگ امریکہ تے عالمی کفر دے خلاف مظاہرہ حج دے دناں وچ عالماں دے شایانِ شان نینگا ۔ اس قسم دی گلاں کرناں اپی بی دُشمنڑاں دی سیاست تے شازش دا ہک حصہ وے ۔
اسی مسلمان آپڑے سارے وسائل دے نال الٰہی قدراں تے مسلماناں دے دفاع وسے قیام کرنے وسے تیار اں ۔ اسی آپڑے دفاعی صفاں نو ں محکم تے مستحکم کر سی اں ۔ تے اناں بے خبراں تے مردہ دِلاں تے شیطان دے پیروکاراں نو ں اس سی بعد آپڑی عزت تے عقیدے تے حملےاں دی اجازت بالکل بی نا دےسی ایں ۔ ساری سرزمیناں تے ساری جگہ سی بالخصول کعبہ حق سی اللہ دے لشکر دے نال مل جا سی ایں ۔ تے ہک نعرہ لبیک یا رسول اللہ تے آپڑے شہیداں نوں آپڑے پاک مقصد تک پونچڑیں تک نہ پول سی ایں ۔
سید الشہداء حضرت امام حسین علیہ السلام ہار حج دے احرام نوں کفار تے گستاخاں نال جنگ تے جہاد تے احرام نال ،طواف کعبہ سی اس مقدس کہار دے مالک دے طواف نال ، تے زمزم دے نال وضو نوں شہادت دے غسل نال بدل دے سی ایں ۔ تے اس نال ہک شکست ناپذیر تے بنیان مرصوص امت اچ بد ل دے سی ایں ۔کہ جسدے نال کوئی بی سامراجی طاقت مقابلہ نہ کر سک سی ۔ یقینا ایہہ ہی حج دا حقیقی بی پیغام اے ۔
سانے مسلماناں نے حج اچ جہاد بانفس بی کرنا وے تے کفر تے شرک نال مقابلہ بی کرنا وے ۔
بار حال حج اچ برائت دا اعلان ،کفر ، شرک تے بت پرستی دے نال مقابلے نو ں اگے وداڑیں وسے تجدید عہد کرنا وے ۔ تے صرف نعرہ تکُل محدود نئیں ہونڑاں چاید ا۔ بلکہ مبارزے دے منشور دا آغاز تے شیطان صفت لشکر دے خلاف اللہ دے لشکر نوں اکٹھا کرنے دا آغاز اے ۔ تے توحید دے پیلے پیلے اُصولاں چو وے ۔ اسی سارے مسلمان مخلوق تے خالق دے کہار اچ اللہ دے دُشمنڑاں سی برائت دا اظہار تے اعلان کر سی ایں ۔
اگور حرم ، کعبہ ، مسجد ، محراب ، مورچے تے اللہ دے سپاہیاں تے حرم الہی تے حرمتِ انبیاء وسے مورچہ تے پشتوانہ نیگے تا وت اُناں وسے پناہ دی جگہ کیتھے وے ؟
خُلاصہ اے کہ ۔ پیلے مرحلے اچ تا امریکہ تے امریکہ دے پیروکاراں سی سب مسلماناں نے برائت دا اظہار کرنا وے تے دوسرے مرحلے اچ انتہائی کامیابی تک اناں نال مبارزہ جاری رکھنڑاں وے ۔ اے جگہ تے ہر زمانہ دے اپڑے تقاضے ہوندان تے اسی دے مطابق پروگرامنگ دی ضرورت اے ۔ اس زمانے ول دیکھنڑا چاید اوے کہ اس دور اچ کفر تے شرک دے سرداراں نے توحید نو خطرے اچ پا چھوڑی اے تے سب قوماں دی اسلامی ، ثقافتی ،دینی مظاہر نوں اپڑی ہوس تے شہوت ناں نشانہ بنڑایاں اویا۔ تا اس حالت اچ ساڈا فریضہ کیہ اے ؟ آیا سانوں چپ رہینڑا چاہداوے ۔ ؟ آیا سانوں اپڑے کہاراں اچ بیٹھے رہینڑاں چاید اے؟ آیا غلط تجزیے تے تفسیراں کر کے مسلماناں دے انساناں دی مقام و منزلت کھٹ کرنے دی کوشش کر ین ۔ شیطان تے شیطان دی اولاداں دی شیطانیاں تے چُپ کر کے بیٹھ کے معاشرے نوں اناں ظالماں سی آزاد کرانڑیں سی منع کر یں۔ تے پیغمبرآں علیہم السلام دے بت پرستاں نال مقابلے نوں صرف پتھراں تے بے جان لکڑیاں تکُل محدود سمجھ لیے ایں ۔ آیا حضرت ابراہیم علیہ السلام ہار نبیاں نے بتاں دی پیشقدمی روکنڑیں وسے ظالماں نال مقابلہ نَیں کیتا ۔؟
اج او کیڑا عقلمند انسان اے کے جس نے نوئں تے ماڈرن بُت پرستی نوں آپڑی مختلف شکلاں اچ تے سازشاں اچ نہ پچھانڑ لیتا ہوئے ۔ تے کونڑ اے کہ جس نوں وائٹ ھاوس دی شکل اچ بت خانے نو اسلامی مُلکاں تے مسلماناں دے خون تے ناموس نال ہک تیسری دُنیا بنڑا نڑے دی خبر نہ ہوئے ۔
اج امریکہ سی اظہارِ برائت تے لبیک یا رسول اللہ دا ساڈا نعرہ حقیقت اچ اُناں ستم دیدہ قوماں تے ملتاں دی فریاد اے کے جیڑی اناں دے ظلم سہہ سہہ کہ مُنہ تکل آئی ہو ئ ین ۔ تے جناں دے کہار بار تے مال و دولت اناں نے لوٹ لیتے وُن۔
ساڈی یا رسول اللہ صلی اللہ علیہ وآلہ وسلم دی فریاد حقیقت اچ عراق ، افغانستان ، فسلسطین ، لبنان ، برما تے اور بوت سارے مظلوماں دی فریا اے ۔
امریکہ نے ہک بوت وڈا چھوٹ بول کے عراق تے افغانستان تے حملہ کیتے تے بوت وری مسلماناں دے مقدسات تے پیغمبر اکرم صلی اللہ علیہ وآلہ وسلم دی شان اچ گستاخیاں کیتا وُس ۔ اسی اُس وخت تکل آرام نال نہ بیٹھ سی این جدو تکل اناں ظالماں سی اس گستاخی دا پورا انتقام نہ لے لئے این ۔ ہولو کاسٹ دے حوالے نال اظہار راے کرنا جُرم اے تے نبی پاک صلی اللہ علیہ وآلہ وسلم دی شان اچ گستاخانہ فلم بنڑانڑے دی مکمل آزادی اے ۔ ؟
اتھو ای تا پتہ چل دا وے کہ آزادی بیان تے حقوق بشر دا نعرہ تا ہک چھوٹھ تے فریب اے ۔
مسلماناں نے بوت وری کیا وے تے ہونڑ وت اناں نوں یاد دہانڑی کراندےپئے وُن کہ مسلماناں نو ں آپڑے حال تے چھوڑ دیو۔ تے افغانستان عراق تے دوسرے اسلامی مُلکاں دے لوک آپی آپڑی تقدیر بڑا لے سُن ۔ تے اپڑے حقیقی اسقلال تکل پونچنڑے دی ضمانت بی دیں دے وُن ۔ امریکہ دے محتاج نینگے ۔ یقینی گل اے کے اناں دے مُلکاں چو اے ظالم نکل جاوُن تہ وت اے لوک کسی ہور ظالم دے سامنڑے سر نہ رکھ سُن تے کدی بی تسلیم نہ ہو سُن ۔ تے وت اگور امریکہ دا اس اچ ہتھ ہویا تا اس اے ہتھ پن دے سُن ۔
اظہار برائت تے لبیک دی فریاد ، افریقا دے مظلوم مسلماناں دی فریا د اے ۔ ساڈے اُناں پہنڑا تے پہراواں دی فریاد اے کہ جیڑے کالے رنگ دے وجہ نال بد تہذیب لوکاں دے تازیانے کہاندے وُن ۔
برائت دے اظہار تے لبیک دی فریاد لبنان ، فلسطین تے اُناں ساریاں قوماں تے ملکاں دا قدرتمند حکومتاں بالخصوص امریکہ تے اسرائیل جناون لالچی نظراں نال ویکھ دے پے اے تے اُناں دی ساری دولت لُٹ لیتی اے ۔ تے اپڑے مزدوراں تے نوکراں نوں اُناں تے مسلط کیتا اویا تے ہزاراں کلو میٹر دور رہ کے مظلوم لوکاں دی زمیناں نوں اپڑے ناجائز قبضہ کیتا اے ۔
ساڈی برائت تے لبیک دی فریاد ، اپڑے مذہب ، حیثیت ، ناموس ،فریاد دی دفاع دی فریاد اے ۔ اپڑے ذخیریاں ، دولتاں ، تے اُناں لوکاں دے دفاع دی فریاد اے کہ جناں دے سینے ایچ اناں دے کفر تے نفاق دا چاقو کُھبا اویا ۔
ساڈی پرائت تے لبیک دی فریاد حقیقت اچ اُن فقیر آں ، غریباں ،پُھوکے ننگے لوکاں دی اے کہ جیڑے دِن رات ہک کر کے کما دے وُن تے اے بدمعاش تے بین الاقوامی ٹاکو اناں فقیراں ، زمینداراں ، مزدوراں دے مالاں نوں نے سوشلزم تے کمیونزم تے سرمایہ داری دے بھانڑے نال چوس دے پئے وُن ۔ پوری دُنیا دی اقتصاد دی رگاں نوں اپڑے نال ملا کے ساری دُنیا وچ وسنڑیں ولے لوکاں نوں اناں دے کھٹ سی کھٹ حقوق سی بی محروم کر دتا نے ۔
ساڈی برائت دی فریاد ، اُس اُمت دی فریاد اے کہ جس ول سارا کفر تے استکبار نشانہ لے کے بیٹھا اُویا وے۔ تے سب تیر اں تے کماناں نال قرآن تے عترت نوں نشانہ بڑا یا اویا نے ۔ بڑے افسوس دی گل اے ہو سی کہ اسی پیغمبر اکرم صلی اللہ علیہ وآلہ وسلم دے اُمتی تے عاشورا دے کوثر سی سیراب اوے تے صالحاں دی وراثت دے انتظار کرنے ولے انگریزاں دی گلاں اچ آجائیں تے اُناں دے ناپاک ہتھاں اچ قیدی بنڑ جائیے ۔ تے خُدا نخواستہ اسی مسلمان تے پیغمبر صلی اللہ علیہ وآلہ وسلم دے اُمتی رسول اللہ صلی اللہ علیہ وآلہ وسلم تے قرآن مجید تے اہل بیت علیہم السلام دی شان اچ گستاخی کرنے ولے اناں کافراں تے مشرکاں دے خلاف چُپ رہینے ۔ تے مسلماناں دی بے عزتی اپڑی اکھیاں نال دیکھ دے رہیینے ۔
سانے اپڑی اس حقیر جی جان تے خون نوں اپڑے واجب فریضے دے ادا کرنے تے مسلماناں دے دفاع کرنے وسے تیار آں ۔ تے شہادت دی عظمت تک پونچنڑے وسے سہک نے پیاں ۔ دُنیا دی ناپاک طاقتاں یاد رکھون کہ اگر ہک مسلمان بی باقی رہیا تا او اس رستے تے چلا دا رہ سی ۔ تے کفراں ، ظالماں ، مشرکاں تے بت پرستاں دے خلاف مبارزہ کر دا رہ سُی ۔تے اللہ تعالٰی تے دُنیا دے ہور مسلماناں دے نال ان سب ڈیکٹراں تے ظالماں دی نیندراں حرام کر چھوڑ سُن ۔
جی ہاں ' لبیک یا رسول اللہ ، دا نعرہ حقیقت اچ مسلماناں دے اسلامی انقلاب دا فقیراں ، مستضعفاں دی دُنیا اچ ہک اُصولی نعرہ وے ۔ تے انشا ء اللہ او وخت بوت نیڑے وے کہ اللہ تعالٰی دی مدد نال پوری دُنیا اچ اکلا انسانیت تے بشریت نوں نجات دینڑیں ولا دین تے مذہب ہو سی ۔ تے اس سی ذرہ بی پچھے ہٹ نڑے وسے تیار نیگیاں ۔ تے اسلامی مُلک تے مسلمان دُنیا کدی بی یورپ تے امریکہ دے محتاج ننیگی ۔ دُنیا دے ٹھیکیدار تے ظالم اے خیال نہ کرون کہ لیبک یا رسول اللہ صلی اللہ علیہ وآلہ وسلم دا اے نعرہ ہک خاص وخت دے نال خاص ننیگا ۔ بلکہ اے ہمیشہ تے پوری دُنیا اچ جاری تے ساری رہ سی ۔
اسی سارے مسلمان اس برائت دے لانگ مارچ تے ہک دوسرے نال اتحاد دے اعلان دے بعد استعمار نوں کنکریاں مار مار کے اسلامی مُلکاں چو باہر کڈ چھوڑ سی ایں ۔ تے اپڑے مُلکاں چو شیطاناں دے لشکراں تے فوجی اڈیاں نوں باہر کڈنڑیں وسے کوشش کر سیا اے ۔تے اسی اس دے اجازت باکل بی نہ دے سی ایں کے اے بعض اسلامی مُلکاں نوں بعض دوسرے مُلکاں تے حملے وسے استعمال کرون ۔ تے اپڑے ناپاک مقاصد حاصل کرون ۔ اگور خدا نا خواستہ اے ہوگیا تے ساڈے سارے اسلامی مُلکاں وسے ننگ تے عار ہو سی ۔ کہ ساڈے مسلماناں دے فوجی اڈیاں تک حاصل کر سکیے ین ۔ تے حج تے بیت الاحرام نوں اپڑے قبضے اچ لے لوُن ۔
اسی مسلمان اناں دی ظالمانہ پڑکاں سی نئیں ڈرنے آں ، کیونکہ سانوں پتہ وے کہ اناں ظالماں دے محل ، فوجی تے سیاسی طاقتاں بابوے دے جالے ہار کمزور تے نازک وُن ۔ تے نابودی دے بوت کول پونچ چکے وُن ۔ دُنیا دے سارے مسلمان اپڑے سربراواں دی تربیت تے اصلاح کرنا چاہنے آں ۔ اُناں نوں نصیحت کر نے آں تے اُناں اے دس دے دینڑاں چانے آں کہ اگور توانے ہوش دے ناخن نا لیتے تا اپڑے نال نال اپڑی عوام نوں بی ڈوب دے سو۔ غفلت دی نیندور سی جاگ جاو ۔ تے فرنگیاں دے اناں نوکراں نوں اسی خبردار کر نے آں کہ منافقاں تے استکبار سی غفلت نہ کروُن ۔ اسی باکل اسلام نو ں ہار دے ہوے نئیں دیکھ سک نے آں ، تے اے بی نئیں دیکھ سک نے آں کہ اے مسلماناں دا سرمایہ تے عزتاں لوٹُن ۔
اسی مسلمان قوماں ' استعمار دے نوکر حکمراناں سی نجات حاصل کرنا چا نے آں ۔ تے استعمار نال سازشاں اچ شریک ہونڑے تے اُناں نال ہم پیمان رہبراں تے حکمراناں سے نفرت دا اعلان کر نے آں ۔
اے لوک اے خیال نہ کرون کہ وخت دے گزرنے دے نال نال اسرائیل ، صہیونزم ، امریکہ ، برطانیہ تے فرانس دے جُرم دی صورت حال بد ل جاسی ۔ تے صہیونزم دے اے خونخوار پیڑئے نیل سی فرات ، افریقہ تکل سارے اسلامی مُلکاں تے قبضے کر لے سُن ۔ اسی مسلمان قوم اس خیبیث شجرے نوں جڑ سی پٹنڑیں تکل سُکھ دا سا نہ لے سی آیاں ۔
تے اللہ تعالٰی دی مدد نال اسلام دے پیروکاراں دے بکھرے اوے قطریاں نوں امت محمدی صلی اللہ علیہ وآلہ وسلم دی معنوی طاقت نال تے اسلامی ملکاں دی طاقتاں نوں استعمال کر کے تے حزب اللہ ہار دُنیا دے سارے مسلماناں ہک مزاحتمی تنظیم بنڑا کہ مسلماناں نوں اناں دے چنگل سی آزاد کرا سی ائیں ۔
جسراں اسی اس سی پیلے بی گزشتہ سالاں اچ اعلان کر دے آیاں تے اج وت اناں نوں صہیونزم دے کینسر دے خطریاں سی تے اسلامی مُلکاں دی صورت اچ اسلام دے خلاف اناں دی سازشاں سی خبردار کرنے آں ۔
سارے مسلماناں نال مل کے اسلامی قوماں تے غیرتی جوناں نال مل کے شیطان بزرگ دے ظلم سی مسلماناں دی آزادی وسے سارے مبارزاں اچ شریک آں ۔ تے اناں دی مکمل حمایت کرنے آں ۔ تے یورپ اچ امتِ مسلمہ دی سرفرازی دا تے مستکبراں دی ذلت و رسوائی دا سبب بنڑنے ولے جواناں دا شکریہ ادا کر نے آں ، تے اُناں سارے مسلماناں وسے کے جیڑے ایمان تے جہاد دے اسلحے نال لیس ہوکے امریکہ تے اس دے نوکراں نال جنگ پے کر دین ۔ تے اُناں نوں نقصان پونچا دے پئے ان۔ کامیابی دی اُمید تے دُعا کر نے آں ۔ تے اناں نوں یقین دلانے آں کے دُنیا دے مسلمان کسی بی ویلے سوانو اکلا نہ چھوڑ سُن ۔
کیونکہ امریکہ تے اُس دے نوکراں سی اظہارِ برائت مسلماناں دے سر فہرست پروگراماں چو وے تے عالمی بدمعاشاں نوں اسلامی اُمت دی کامیابی دا مکمل یقین ہو گیا وے ، تے اُناں دے پڑے اوے نظام زوال پذیر وُن ۔ لہذا اے مسلماناں دی فکراں نوں منحرف کرنے وسے او بڑے ہتکنڈے پئے اپنڑاندے پے وُن تاکہ اتنے سارے ظلم تے جرم کرنے سی بعد تے اسلامی مُلکاں دی چُپ سی فائدہ چُک کہ سب مسلماناں نوں شدت پسند تے جنگ طلب دے طور تے دُنیا دے سامنڑے پیش کرون ۔ تے ہو سکداے کتنے ہی سادہ لوح مسلماناں نوں اس نعرے نے متاثر بی کتیا ہوئے ۔ لہذا سب قوماں وسے تے خاص طورتے حاجیاں وسے کچھ وضاحت ضروری اے :
استکباری دُنیا نے اج تکُل مسلماناں نال منصفانہ تے غرجانبدارانہ گل کدی نئیں کیتی۔ تے اپڑے درندگی اچ اس حد تکل اگے ود گئے اُن کہ جناں نوں بیان کرنے سی زبان، تے لکھنڑے سی قلم شرماندا وے ۔
کس جُرم اچ اتنے میلن مظلوم مسلمان رناں ، بچیاں بڈیاں تے جواناں نوں قتل ہوُن ؟۔ تے اُناں دے کہار ویران کیتے جاوُن ؟تے کیڑے جُرم اچ مسلمان قوماں دے خزانے تے سرمائے لُٹے جاندے ین ۔ آیا ساڈا جُرم اے کہ اسی مسلمان آں ؟ ساڈا جُرم اے کے پیغمبراکرم صلی اللہ وآلہ وسلم دے ایمان رکھ نے آں ؟ساڈا جُرم آخر کیہ اے کہ امریکہ ہر دہاڑے اسلامی مُلکاں اچ ہر قسم دی جنایت تے جُرم کر کے مسلماناں دے دِلاں نوں ٹھیس پونچا دا رہیندا وے ؟
اج ساری دُنیا جانڑ دی اے کہ اصل اچ ساڈا جُرم اے وے کہ اسی اناں ظالماں دے خلاف اسلام دے دفاع اچ چانے آں کے اسلامی تے الٰہی حکومت ہوئے نہ کہ امریکی تے مغربی نظام ۔
ساڈا جُرم اے وے کہ اسی رسول اللہ صلی اللہ علیہ وآلہ وسلم دی سنت نوں جیندا کرنا تے قرآن مجید دے فرماناں تے ، مسلماناں نوں اتحاد تے وحدت دی دعوت دے نےآں ۔ کہ عالمی کفر دے خلاف فلسطین ، افغانستان ، لبنان ، عراق دے مظلوماں دے حمایت اچ تے اُناں سارے مُلکاں اچ کے جیڑے امریکہ دی قید اچون ، تے اسرائیل ، امریکہ ، فرانس ،برطانیہ دے سفارت خانیاں دے بند کرنے ، تے عالمی صہیونزم دے کینسر دے تے ذات پرستی تے افریقا دے محروم لوکاں دے دفاع تے اناں استکباری تے امریکی قرارداداں نئیں منیاں ۔
تے عالمی بدمعاشاں تے اُناں دے دست بستہ نوکراں وسے اس سی وڈا گناہ تے جرم ہور کیہ ہو سکدے کہ کوئی اسلام دی حاکمیت دی گھل کر اے ۔ تےظالماں دے خلاف مسلماناں نوں عزت ، استقلال ، تے قیام دی گھل کر ون ۔
سانوں مسلماناں نوں ہک وڈے مقصد تک پوچنڑے وسے بوت وڈی قیمت ادا کرنی پے سی ، تے بوت گرانقدر شہدا دیںڑے پے سُن ، عالمی بیڑیئے سانوں آرام نال نہ بیٹھنڑیں دے سُن ۔ اے اپڑے اندرونی تے بیرونی مُلکاں نال مل کے ساڈے تے شبخون مار سُن تے گلیاں ، کوچیاں تے روڈا تے ساڈے عزیز مسلماناں خون روڑ سُن ۔ تے اسراں ہی ہویا بی اے جدو امتِ اسلامی دی اسلام طلبی دی فریاد تے آواز امریکہ تے اناں نال وابستہ لوکاں تک پونچی اے ۔ جدو امریکہ دا غرور تے بدمعاشی اسلامی مُلکاں اچ خاک اچ مل گئے اے ، تے امریکہ نوں علمائے اسلام دی طاقت تے عدل و انصاف دے اسلامی نظام تے آزادی تے اسقلال وسےمسلماناں دے فولادی ارادیاں دا پتہ چل گیا وے ۔تا اسلامی ملکاں اچ ملت فروش تے وطن فروش نوکراں نوں حکم دیتاس کہ مسلمان قوماں دی اس اسلامی فریاد نوں چُپ کرا دے وُن تے اناں دے حکمراناں نال عہد و پیمان کیتانے کہ جیڑا بی امریکہ دے مخالفت کرے اُس نوں نابود کر دے وُن ، تے ساری دُنیا نے دیکھا وے اناں خیانت کار لوکاں نے اپڑے آقاواں دے اس حکم دی تعمیل اچ بالکل بی دیر نئیں کیتی تے آزادی ، اپڑی ذمہ داری بھانے نال امتِ اسلامی دے لاشاں نال وڈے تمدن دا دروازہ رکھا نے تے ساڈے اسلامی مُلکاں دے در و دیوالاں نوں عراق سی لے کے افغانستان تکل تے یورپ دے مسلماناں سی لے کے آفریقہ تے امریکہ دے مظلوم تے محروم لوکاں تے بازاراں ، روڈاں نوں مسیت تکل اللہ دے بندیاں تے رسول اللہ دے عاشقاں کہ جیڑے لبیک یا رسول اللہ صلی اللہ علیہ وآلہ وسلم دے نعرے پئے لاندے اے ، دے خون نال رنگین کر دیتا نے ۔ جیڑے ویلے امریکہ نال وابستہ بیڑیے تے جلاد آزادی دے شجرہ طیبہ دی شاخاں تے پتراں نوں کٹ دے پئے ہئے تے اناں عالمی بد معاشاں نے اپڑے بین الاقوامی پروپیگنڈے اچ پیغمبر اکرم صلی اللہ علیہ وآلہ وسلم دی شان اچ گستاخی کیتی اے ۔ تے سب کچھ اناں نے ترقی ، آزادی بیان ، آزادی طلب تے مسلماناں نوں کینسر تے پس ماندہ کیا وے ۔ تے اناں دے اسلامی مطالبات تے خوا ہشاں نوں آزادی بیان دی مخالفت تے پس ماندگی دے طور تے پیش کیتا نے ۔ اناں دی اسی سیاست دے نتیجے اچ اناں نے اسلامی قوماں دی خونی کربلا نوں بار بار تکرار کیتا نے ۔ اے چاند این کہ اسلامی مُلکاں نوں امریکہ دا ہک آرام ولا جزیرہ بڑا دے وُن تے اناں نوں اسلامی اُ مت وسے قبرستان بڑا دے وُن ۔
سارے لوک کُھلی اکھیاں نال دیکھ دے پے وُن کہ امریکہ تے اناں نال وابستہ حکمراناں نے اسلامی مُلکاں نوں تباہ تے ساڈے قبرستاناں نوں آباد کیتا نے ۔
امریکہ دے نال وابستہ حکمراناں دا نشانہ صرف تے صرف امریکہ دے خلاف پائا جانڑے ولا مقدس تے مبارک غصہ ختم کر دے وُن ۔ تے ڈیڑھ ارب مسلماناں دے احساسات نال مبارزہ تے مقابلہ اے ۔
اناں نے ساڈے سی بڑی قربانیاں تے شہید لیتے وُن ۔ تے جیتھو تک ہو سکدا ہیا اناں نے اسلام سی امریکہ دا انتقام لتا نے ۔ امریکی حقیقی تے سچے اسلام سی ڈر دے وُن ، تے عدل و انصاف دی حکومت دے قیام سی بوت ڈر دے ان ۔
اج اناں دے خلاف مظاہرے تے اناں دے سفارت خانے یاں نوں در پیش خطرات حقیقت اچ امریکہ دے خلاف عوامی نفرت دا منہ بولدا ثبوت وُن ۔ کتنی لاشاں تے کتنی پس ماندگی سانوں امریکہ دی طرفو ملی اے ۔ حقیقت اچ اسی امریکہ دے غلام آں تے ساڈی ساری دولت تے سرمایے اناں دی جیباں اچ پئے جانداے پے ان ۔ تے اے ساڈے تے بم تے دوسرے اسلحے نال گولے پے وسانداین ۔
اسی سارے دُنیا اچ آزادی چانڑیں ولے مسلمان جانڑ نے آں کہ اگور اسی امریکہ سی ہٹ کے تے صرف تے صرف قرآن تے اسلام تے توکل کرکے مستقل ہونڑا چایناں تا بوت وڈی قیمت دینڑی پیسی این ۔ تے عالمی بد معاش اسی چیز سی ڈر دے وُن ۔
جیڑا اسلام ساڈے ہتھاں اچ اے ، اے چودہ صدیاں سی ہزاراں شہیداں دی قربانیاں ، کہار دے ویران ہونڑے تے بماں اچ قتل ہونڑے ولے مسلماناں تے اسیر ہونڑے ولے مسلماناں دی قربانیاں دے صدقے وے ۔ تے اسی قیامت دے دِن اللہ دے پاک رسول صلی اللہ علیہ وآلہ وسلم نوں اس امانت دے بارےاچ جواب دے ہوسی ایں ۔
اسلامی اُمت عالمی کفر تے اسلام دی مکمل کامیابی چانداے ۔ اس مقدسات دی توہین دے خلاف اپڑے اس انقلاب نوں جاری رکھدے سی ایں ۔ اس گستاخی دے خلاف بوت سرے لوکاں نے قربانیاں دے کے شہید ہو کے اس اسلامی اُمت دا بیمہ کرا دیتا وُس ۔
اسی سارے مسلمان حج اچ اپڑی سارے تجربے تے مشکلات ہک دوسرے نال ونڈ دے سی این ۔ تے اس مشرکین دے خلاف اظہار برائت دی اس ریلی دا نتیجہ یقینا اسلام دی کامیابی ، استقلال ، تے پھسے اوے لوکاں وسے اسلامی احکام نوں دسنڑے دی صورت اچ ای نکل سی ۔
اسلامی روشن فکر تے جدت پسند اپڑے علم تے معلومات دے نال کیمونزم تے سرمایہ داری دے نظام دا رستہ باکل بند کر دے سُن ۔ تے سارے روشن فکر روشن فکری دے نال اناں بد معاشاں خاص کر امریکہ دے مُنہ تے تپہ مار کے تے اُناں مظلوماں دا بدلا لے سُن کے جناں نوں اناں ظالماں نے ظلم دے بوت تپے مار وُن ۔
سارے مُسلماناں نوں پتہ وے کہ اسلام اناں سب قدرت منداں نوں ذلیل تے رسوا کر دے سی ۔ اسلام اندرونی تے بیرونی طور تے اپنوں پھیلا سی تے ہک سی بعد ہک دُنیا دے بنیادی مورچے یاں نوں فتح کر سی ۔ آیا وہائیٹ ہاوس دے سامنڑے امریکہ اچ احتجاج اس گل دا ثبوت نینگا۔؟
مسلمان رناں تے مرداں نے جیڑا کم کیتا وے اس نال اناں نے امریکہ دا سارا غرور تے رعب مٹی اچ ملا چھوڑا اس ۔ اے کم اتناں قیمتی اے کہ اگور ساری دُنیا اناں دے قدماں اچ رکھ دیا ایں تا سانے کوئی نقصان نئیں کیتا ۔ بلکہ اللہ دی طرفو ہک عظیم اجر دے مستحق ہو سی ایں ۔ امتِ اسلامی اج حق تے باطل دے مورچاں اچ بیٹھ چکے وُن ۔ تے شہدا نے اللہ دے ولیاں دے نال رہنڑیں دا فائد ہ مند سودا کر لیتا وے ۔
مسلمان ساری دُنیا دے اناں وڈیراں تے بد معاشاں نوں دسا دینڑا چانے آں کہ اگور اے لوک ساڈے دین دے خلاف کھلون تا اسی اناں دی ساری دُنیا دے خلاف کھلو جا سیں ۔ تے اناں دی نابودی تکل آرام تے نا بیٹھ سی ایں ۔ یا سارے آزاد ہو جا سی این تے یا حقیقی تے واقعی آزادی دے کہ جیڑی شہادت اے تکل پونچ جا سی ایں ۔ جسراں اسی اکلے تے کسی ملک بین الاقوامی تنظیم دی مدد دے بغیر اپڑے پیراں تے کھلو کے اسلامی معارف دے نفاذ وسے کھلے آں ۔ جسراں مظلومانہ طور تے پیغمبر اکرم صلی اللہ علیہ وآلہ وسلم دی توہین تے گستاخی دے خلاف استکباری تے سامراجی طاقتاں دے خلاف کھے آں ۔ تے اللہ دی مدد نال طے اُسی طے توکل کر کے انشا ء اللہ باقی دا اُچا تے نیاواں رستا بی چل لے سی ایں ۔ طے اپڑے فریضے تے اپڑی ذمہ داری ضرور پوری کر سی ایں ۔ یا تا اسی ہک دوسرے نال پوری دُنیا اچ اسلام دی کامیابی دی خوشی اچ ہتھ ملا سی ایں ، تے یا وت سارے ہمیشہ دی زندگی تے شہادت دے درجے تے فائز ہو جا سی ایں ۔ اسی اس عزت دی موت نوں اپڑے وسے فخر سمجھ نے آں ۔ ہر صورت اچ اسی کامیاب آں ۔ تے اس ساری صورتِ حال اچ اس دُعا نوں نا پل سی آں ۔ خدایا ساڈے تے اے احسان فرما تے اس سارے مسلماناں دے انقلاب نوں وہایٹ ہاوس ، تے پوری دُنیا دے ظالماں نوں نیست و نابود تے ، دُنیا اچ کمزوراں طے مظلوماں دے حکومت قائم فرما۔
اس تمہیدیاں سی بعد ساڈا فرض اے کے عقل سی کم لیاں تے سوچی ایں کہ اسی کیڑے رستے اچ امریکہ دی طرفو امریکہ دی طرفو حملےیاں دا شکاراں ، تے شہید کس رستے اچ دیتے این ۔ سام ، ٹیلی جونز تے امریکہ ہار اں نے اسلام دے خلاف کیڑی کیڑیاں پلیت نیتاں کیتی اویاں ۔ تے وہابی بی ظاہری تے باطنی طور تے کیڑی نیتاں نال اناں دی حمایتاں پے کر دےوُن ۔
اج بی اے قبضہ کرنے ولے دِن بہ دِن اسلام دے دُشمنڑاں نوں بہترین تے نوے نوے اسلحاں نال مسلح پئے کر دے وُن ۔ بَرے ملتِ اسلامیہ دے مسلمہ حق بی دینڑے وسے تیار نینگے ۔ اس دے باوجود اسی سانوں مسلماناں نوں فخر اے کہ اسی اتنی وڈی تے لمبی جنگ صرف تے صرف اللہ تعالٰی تے ایمان تے توکل تے پیغمبر اسلام صلی اللہ علیہ وآلہ وسلم دی دُعاواں نال بہادر مرداں تے شیر دِل رناں نال اتحاد تے ہمت نال اناں جنگاں وچ کامیاب آں ۔
آیا اے سچ اے کہ امریکہ تے دوسری استکباری طاقتاں اپڑے ماضی اچ کیتے اُوے ظلم ، ستم تے گستاخیاں تے سچے دِل نال پچھتاداں پیا وے تے پیشمانی دا اظہار پیا کردا وے ۔ ملتِ اسلامی تے اسلامی مُلکاں تے اعتقادی تے ہور حملیاں دی معافی منگ دے وُن ۔؟
بوت تعجب اے کہ عقل سیاست تے دور اندیشی دے بعض دعوے دار اللہ تعالٰی دی کتاب دی آیتیں اچ تحریف کر کے تے پیغمبر اکرم صلی اللہ علیہ وآلہ وسلم دی سنت دا حوالہ دے کے مسلماناں دے عزت تے کرامت دے رستے نو بدل کے تے اناں نوں پاک پیغمبر صلی اللہ علیہ وآلہ وسلم دے گستاخی دے خلاف اُٹھنڑے سی روک دے پئے وُن ۔ اسی اللہ دا لکھ لکھ شکر ادا کر نے آں کہ اللہ نے اسلامی اُمت نوں بصیرت تے رشد دی دولت نال مالا مال فرمایا اے ۔ تے اسی وجہ نال اناں شیطانی وسوسی ایں دی نہ تے پیلے پروا کیتی نے تا نہ آئیند پروا کر سُن ۔ بلکہ اس قسم دے کم کرنے ولیاں نوں کم فکری تے پیغمبر اکرم صلی اللہ علیہ وآلہ وسلم نال عقیدت دی کمزوری سمجھ کے اناں تے ہس دی پئے اے ۔
کیڑا عقلمند اتنے مناسب حالات اچ تے ہزراں لوکاں دی قربانی دے باوجود اناں اسلام دے دُشمنڑاں سی چشم پوشی کر کے اناں نوں اے مہلت دے این کہ ہک ورری وت مناسب وخت دیکھ کے اسلامی مقدسات دی توہین کرے ؟
آیا دُنیا دی اے بوت کم قیمت حکومت اس ذلت تے رسوائی دے قابل اے ؟
اُمتِ اسلامی اتنے مناسب حالات اچ کہ جد و اناں نے ڈیڑھ ارب مسلماناں دی روح نکل آئی اے تے اسلامی مُلکاں دے خود فروش تے ظالم تے جابر امریکہ دے نوکراں تے مغربی وڈی وڈی طاقتاں بالخصوص امریکہ نوں خبردار پے کر دے وُن ۔ تے اناں نوں مسلماناں تے اسلام دے خلاف جلد بازی وچ فیصلے کرنے سی پر ہیز کرنے نصیحت کر نے آں ۔ تے امریکی قوم نوں نے کے جنیں اپڑی عقل تے ارادے دے اختیار تے سیاسی ، بین الاقوامی تے فوجی اختیارات اوباما نوں دے دتے وُن ۔ نصیحت کر نے آں ، کیونکہ امریکہ دے حکمران اپڑے کماں اچ بالخصوص سیاسی مسائل اچ تے فیصلے کرنے دے قابل نئیں رہے ۔تے عقل مند تے ہوشیار بندے یاں دے محتاج ہو گئے وُن ۔ امریکہ نوں نابود نہ کر دے وے ۔
مسلمان اناں نوکر مُلکاں نوں بی کہندے وُن کہ اسلامی مقدسات دی توہین تے پیغمبر اکرم صلی اللہ علیہ وآلہ وسلم دی شان اچ گستاخانہ فلم حمایت کر کے اپڑی اس سی زیادہ بے عزتی نہ کرون ۔ تے امریکہ دی حمایت تے اس نال توسل کر کے اپڑی کمزوریاں ہور سامنڑے نہ لیا وُن ۔
تے اناں بیڑیاں نوں آجڑی نہ بنڑا وُن ۔ تے اپڑے خزانے آں دی حفاظت وسے اناں کولو مدد نہ منگون ۔ اے وڈی وڈی طاقتاں جدو اپڑا مطلب پورا کر لے وُن تے وت اپڑے پرنڑیں دوستاں نوں بی قربان کر دے دے وُن ۔ اے وسے دُوستی ، دُشمنڑی ، صداقت تے اخلاق دی کوئی حیثیت نینگی ۔اناں دا وسے اناں دے مطلب مہم اے ۔ تے ساری جگہ اپڑے فائدے دی ہی گل کردے وُن ۔
کتنا ای اچھا ہو سی کہ اسلامی مُلکاں دے نوکر حکمران اپڑے آقاواں نوں یعنی امریکہ نوں سنجیدگی نال اے گل کہہ دے وُن کہ اسلامی مُلکاں اچ اپڑے فائدے ٹونڈنڑاں چھوڑ دے وُن ۔کیونکہ اے وے گل اے کہ جیڑی اسلامی ملت نوں زیادہ حسّاس کر دی اے کہ اسلامی مُلکاں اچ امریکہ ، فرانس ، برطانیہ تے اسرائیل دے کیہ منافع وُن کہ جس وسے اے اناں مُلکاں اچ جنگ کرنے نوں بی تیار وُن ۔ تاکہ اناں نوں بچا سکے ؟
البتہ مسلماناں دی سیاست اسلامی مُلکاں دے متعلق پیلے سی بڑی واضح تے روشن اے ۔اسلامی اُمت وسے مُلکاں اچ امنیت دا مسئلہ بوت زیادہ مہم اے ۔ اسی وجہ نال مادی سہولتاں دے باوجود صبر و تحمل تے انتظار نال اناں جنگاں دا رستہ روکا اویا وے ۔تے آپڑی تھوڑی جئی طاقت دا مظاہر ہ ، مظاہریاں تے ریلیاں دی صورت اچ تے اناں دی چیزاں دا بائکاٹ کرکے دے بعض جگہ اچ فوجی کاروائی دی صورت کیتا نے ۔
دُنیا نوں اس حقیقت دا پتہ چل گیا وے کہ اسلامی مقدسات دی توہین کرنے نال صرف مسلماناں وسے ہی نقصان دہ نینگا بلکہ دُینا دی وڈی وڈی طاقتاں تے حکومتاں دی نابودی صورت اچ نکل چکی اے ۔
اسلام دے دُشمنڑ بی اسلامی مقدسات دی توہین دے خطریاں تے نقصانات سی نہ بچ سُن ۔ تے اس نا امن دلدل اچ ضرور پھس جا سُن ۔ تے اناں دیاں پوری دُنیا اچ ، امریکہ ، فرانس ، برطانیہ اچ جیڑا جنجال کیتا ہویا اے تے بوت سارے خبرر نگاراں ، صحافیاں ، کیمرا میناں نوں مجبور کیتا ہویا نے کہ او امریکہ دے ناپاک تے سازشی منصوبیاں دی کامیابی دی خبراں دے وُن ۔اللہ تعالٰی امریکہ دی رسوائی تے نابودی دے اسباب غیب سے مہیا کیتے ان ۔ تے الا الہ الا اللہ دے پاک چنڈے نوں کفر دے ناپاک چنڈے طے غلبہ عطا کیتا اے ۔ اسلام دے دُشمنڑ غرور ، جہل دے مرکب طے سوار ہوُن کے جس نے ہونڑ تک کتنی وری اپڑے سواراں نو زمین تے سٹا وے ۔
کھاٹ سی کھاٹ اے وے کہ اپڑے نوکراں دی عزت دا تا کچھ خیال کرو تے اناں دی طاقت تے قدرت دی حفاطت وسے ہی اناں نوں اس سی زیادہ ذلیل نہ کرو ۔ اس گل دا یقین رکھو کہ اسلامی مقدسات دی توہین دے خلاف اٹھنڑے ولے اس پاک طوفان دا رُخ تواڈے ول ہی موڑا رے سی ۔کہ جیڑے حقیقی گستاخ طے مسلماناں دے دُشمنڑ وُن ۔