Suriyada İŞİD qruplaşmasının tərkibində hökumətə qarşı döyüşən azərbaycanlı terrorçu öldürülüb.

Dünən axşam saatlarında Hələbin cənubunda Fətih ordusunun rəhbərliyi altında “Əhraruş Şam”, “Nüsrət Cəbhəsi”, “Ecnaduş Şam”, “Ceyüş-Sünnə”, “Ceyşül İslam” və “Fəlyakuş Şam” terror qruplarının birgə iştirakı ilə hərbi əməliyyatlar keçirilib.

Müxalif qüvvələrin tərkibində döyüşən iki qafqazlı İŞİD-çi əməliyyatlar zamanı ölüb. Ölənlərdən biri Əbu Əli Azəri (Elşən) ləqəbli Azərbaycan vətəndaşıdır.

Əbu Əli Azərinin üç il öncə azərbaycanlı İŞİD-çi Rüstəm Əsgərovla birlikdə Suriyaya getdiyi və orada bir qadınla evləndiyi bildirilib.

Onun 2 övladının olduğu deyilir.