5- قال عليه  السلام:
    أنا  قتيل  العَبرَة  لا  يذكرني  مؤمن  الاّ  استعبر.
Imam Husain (a)  adanena  kuti:  Ine  ndi ophedwa  yemwe  ndili chitsanzo  kwa  ena  ndipo  munthu okhulupirira  sangandikumbukire  ine   pokhapokha  adzatengera  chitsanzo   changa.
Tikayang’ana  kutanthauzira  kwa  sura  ya  Al imran   aya  ya  13  tipeza  kuti  liu  loti  “abarat”  chiyambi  chake   likuchokera pa “Ubur” komwe  ndikudutsa  kakhalidwe  kena  kufika  kena kapena  malo  ena  kukafika  ena. Nthawi  zina  misozi  imatchedwa  “abarat” chifukwa  choti misozi  imadutsa  maso ndikumatsikira  mmusi, mau  omwe  amadutsa  pa lilime  ndi makutu  amatchedwanso “abarat”, ndiye    kutengerapo  phunziro  ndichitsanzo   kuchokera  kuzochitika  kumanenedwa  kuti  “Iburat”  chifukwa  choti   munthu  amazidutsa   zomwe  zachitika   ndipo  amazindikira  zoona  zeni  zeni  za zochitikazi.
Kodi  kuchokera  apa  sizingatheke kuti  Hadith  yomwe   Imam  Husain adainena kuti: “Ine  ndi ophedwa  yemwe  ndili chitsanzo  kwa  ena  ndipo  munthu okhulupirira  sangandikumbukire  ine   pokhapokha  adzatengera  chitsanzo   changa”   timasulire  kuti  Imam  Husain  amanena  kuti:  Ine  ndaphedwa  ndicholinga  choti  ndikhale  chitsanzo  ndiphunziro  kwa  anthu  ena.
Ine  ndi  ophedwa   wa  misozi   amene  ndidaphedwa  ndikuti  munthu  wina  aliyense  okhulupirira  akandikumbukira   alire.
Mulungu  amawakonda  anthu  omwe  amabwerera  kwa  iye  ndipo  Imam  Husain(a)  adatipatsa  ife  pothawira  pathu  pankhani  yakubwerera  kwa  Mulunguyi (kusonyeza  kuti  munthu  panthawi  yomwe  amakumbukira  mavuto  omwe  adamugwera  Husain (a)  ndikumalira  amakhala  kuti  akubwerera  kwa  Mulungu  ndikuziwandikitsa  ndikukhalanso  mugulu  la  mitima  yokondedwa  ndikulira).
Tikaonetsetsa  tipeza  kuti  Imam  Husain (a)  adalimbana  ndi  adani  amenewa  ndi zolinga  zingapo  zina  mwa  izo  ndi  izi:
1.  Kuongola  anthu  onse,  chifukwa  munthu amene  angamve  bwino  bwino  zomwe  zidachitika  ndikakhalidwe  ka  Husain   polimbana  ndi  adani  komanso  zolankhula  zake  amavomereza  kuti  Husain  adali pachilungamo  ndipo  ndioyenera  kumutsatira  chomwe  ndi  chiongoko  kwa  munthu.
2.  Imam  Husain (a)  adaphedwa  ndizolinga  zina  zomwe  zili  zofunikira  osati  kulira,  malipiro  ndi  mphoto  ayi koma  kuti  kuphedwa  kwake  kuli  koti  pambuyo  pa  zochitikazi  padzabwera  zotsatira  zake  zomwe   anthu  okumva  adzakhalano  akumapeza  chilungamo  cheni cheni  cha  nkhaniyi  ndikukhala ndichikondi  kwa  iye  kuchokera  muchilengedwe  chake.
Polongosola  cholinga  chake  polimbana  ndi  adaniwa  mu dua  yotchedwa  ziyarat  ashura mwanenedwa  mau  oti:
وبذل مُهجَتَه  فيك  ليستنقذ  عبادك  من  الجهالة  و حيرة  الضلالة  وقد  توازر  عليه  من  غرّته  الدنيا. 

Iye  adataya  moyo  wake  munjira  yanu  ndicholinga  choti  apulumutse  akapolo  anu  kuchokera  ku  umbuli,kusochera   ndi kuzungulira  malo  amodzi  posadziwa  choonadi,   zili  choncho  anthu  omwe adanyengedwa  ndi  dziko  adamuukira  ndikumubweretsera  mavuto.
Mtendere  ukhale  kwa  Husain  amene  adaphedwa  moponderezedwa, ophedwa  olungama, ophedwa  yemwe  ndichitsanzo  kwa  ena  ndipo  kapolo  wamavuto.
Ali (a)  adanena  kuti(يا  عبرة  كل  مومن )  e!  iwe  amene  umapangitsa  kuti  okhulupirira  wina  aliyense  akakumbukira  imfa  yako  aziketsa  mizozi.
Imam  Baqir (a)  adanena  kuti: ( ما  ضرب  عبد بعقوبة اعظم من  قسوة القلب )  Palibe  kapolo  yemwe  adakumana  ndi  mavuto  oposa  kuwuma  kwa  mtima.
 
Inde,  ife  tidawerenga  nkhani  ya  Yusuf  mmene  idalili,  bambo  ake  Yaqub  adadandaula  ndikulira  mpaka  maso  ake  kufika  posaona ,  koma chonsecho  sadaone  zomwe  adachitiridwa  Yusuf,  zoti  adamenyedwa  kapena  kudzunzidwa  kapena  kuphedwa .  Iye  sadaone  kuti  Yusuf  thupi  lake  lidamenyedwa  kukhala  mabala  okhaokha,  mutu  wake  udadulidwa  ndikuikidwa  kunsonga  kwa  mkondo.
Koma  Husain (a)  adamenyedwa   thupi  lake  kukhala  mabala  okha-okha,  adazunzidwa  munjira  zosiyana-siyana,  mutu  wake  udadulidwa  ndikuikidwa  kunsonga  kwa   mkondo.
Kodi  ngati  Mtumiki  Yaqub  amafika  polira  chonchi  mpaka  maso  ake  kukhala  akhungu  nanga  ife  tililira  pati  kodi  nanganso kulira  kwathu  kukukwanira  ndi  mavuto  amenewa?
Mulungu akupatseni  kuzindikira  choonadi.