MUDZINA  LA  MULUNGU  MWINI  CHIFUNDO  NDI  CHISONI  CHOSATHA.
MAHADITH  OKWANA  40  OCHOKERA  KWA  IMAM HUSAIN  (A)

KUMUDZIWA  IMAM  HUSAIN  MWACHIDULE
DZINA:      Husain.
MAINA OPATSIDWA: Sayyid Shuhada.
DZINA LOTCHUKA NALO:Abu Abdullah.
DZINA LA BAMBO:  Ali (A)
DZINA  LA MAYI:   Fatimah (a).
TSIKU LOBADWA:  3 Shaban mchaka cha 4 Hijir.
MALO OBADWIRA: Madinah Munawwarah.
ZAKA  ZAKE:   57.
ZAKA ZA UTSOGOLERI WAKE: 10.
TSIKU LA KUFA:  10 Muharram  mchaka cha 61  Hijiri.
MALO OFERA NDI MANDA:Karbala.
OLAMULIRA ANTHAWIYO:Muawiyah  ndi  Yazid.
AMENE ADAMUPHA: Shimur ndi Sinan molamulidwa  ndi Ubaidullah bin  Ziyad 
    ndi  Yazid bin Muawiyah( Mulungu awatembelere).
ANA  AKE:   6,  anayi  amuna  awiri  akazi ( mukulankhula  kwa 
    Shaikh  Mufid). 10, asanu ndi mmodzi  amuna  anayi 
    akazi( mukulankhula kwa shaikh Maruhum Aribili
    mubukhu lotchedwa Kashiful ghammah).
1-  قال الامام الحسين عليه  السلام :
       البخيل  من بخل بالسلام.
 Imam  Husain (a)  adanena  kuti: Munthu  waumbombo  ndi  amene   amaumira  kupereka  salaam.
Chimene  tiyenera  kudziwa ndichakuti  salaam  ndichinthu  chofunikira  kwambiri  muchipembedzo  cha chisilamu  chifukwa chakuti  chisilamu  chimaphunzitsa  zabwino  zokha-zokha. Chisilamu  chimatiphunzitsa  kuzichepetsa  pomwe  tikayang’anitsitsa  tipeza  kuti  kuzichepetsa  kwagona  mu salaam.Mukulankhula  kwina  tikuti  chisonyezo chakuzichepetsa   ndi salaam. Pofuna  kulimbikitsa  kufunikira  kwa  nkhani ya  salaam imeneyi  tikupeza  kuti  mu Quran  muli  kupereka  ndikupatsidwa  salaam  kwa ena  mwa  aneneri  monga: Nuhu (safat:79) ((  Mtendere  ukhale  kwa  Nuhu ))  (salaam  ala  Nuhu), Ibrahim( Ibrahim:109) (( salaam  ala  Ibrahim)) (mtendere ukhale  kwa Ibrahim), Mtumiki Muhammad ndi akunyumba  kwake (s.a.a.w) ((salaam ala  ali Yasin))  (mtendere ukhale  kwa  ali  Yasin), Atumiki(a) ((salaam  ala  murisalin)).
Konsekuti  kufuna  kunena  kufunikira  kwa  salaam. Tsono   ngati  atumiki (a) akutha  kupereka  ndikupatsidwa  salaam chonchi  kuli  bwanji  ife.
2- قال عليه  السلام :
للسلام  سبعون  حسنة، تسع  و ستّون للمبتدء و واحدة  للرّاد.

Imam  Husain (a)  adanena  kuti: Salaam ili  ndi  ubwino  okwana   makumi asanu  ndi  awiri (70),  ubwino  okwana  makumi  asanu  ndi limodzi ndi mphambu  zisanu ndi  zisayi (69) umakhala  kwa  munthu  oyamba  kupereka   salaam  pomwe  ubwino  umodzi  okha  umakhala  kwa   oyankha.
Apa  akufuna  atiuze  kuti  kuyambirira  popereka  salaam ndichinthu  chabwino  kwambiri  chifukwa  choti  chili  ndi  zabwino  zambiri  kuposa  kuyankha  salaam. Choncho  ife  tiyeni  tikhale  oyambirira  popereka  salaam  kuti  zabwinozi  tizipeze. Ndibwinonso  kwa  ife  asilamu  kuti  tizikonda  kutumiza  salaam  kwa  anthu  akulu-akulu  athu  muchipembedzo , kwambiri  kwake  ma  Imam  monga  Imam  Husain  amene  akutiphunzitsa  nkhani  ya  salaam imeneyi.  Wina  atha  kunena  kuti  tingapereke  bwanji  salaam  kwa  iye?  Tidziwe  kuti  munthu  monga  Imam  Husain  salaam wathu  amamva  chifukwa  chonena  kuti  salaam  ya iwo  ndiyoti  imapezeka  muthupi  mwawo  pamene  ife  tikupereka  salaam  mwaiwo  imakhala  kuti  ikadalipo  kusonyeza kuti  kwaife kumakhala  kuti  tikuyankha  salaam  yawo  osati  ndife  oyamba  kupereka  salaam  kwa  iwo (salaam yawo  ndi ya Takiwiniyy) (muchilengedwe chawo). Komanso  Mulungu  akunena  kuti (wala tahasabanna  ladthina  qutilu  fi sabilillah  amuwata  bali  ahayau…………………)) ((Musaganize   kuti  anthu omwe  amafera  munjira ya  Mulungu  ndi okufa  ayi  koma  dziwani  kuti  anthu  amenewa adakali  moyo……)). Ndiye  kuti  salaam  wathuyu amamumva. Imfa  simathero  azonse ayi koma  kuti  imfa  ndiulendo , imfa  ndikubadwa  kwatsopano, imfa  ndikuvundukuka  kwa  tsamba  lina  la moyo, imfa ili ngati kuti munthu akuvula  chikopa  chadziko  lapansi  akuvala  chikopa  china  chadziko lina.